N. 8. Memoriale n. 49, fól. 29.

N. 8. 

Memoriale n. 49, fól. 29.

Ad Hieronymum PaulumPetrus Michael Carbonellus hanc epistolam mittit ubi scribuntur Regie preeminentie et auctoritates officii Regii Archivi apud urbem Barcinonensem cui nuper est prefectus nec non contra suos obtrectatos res versipellesque.

Petrus Michael Carbonellus Hieronymo Pauloclarissimi viii Jacobi Pauli civilis iuris consultissimi gnato suavissimo S. P. D. Superioribus diebus ternas ad te litteras tabellario dedi latino sermone editas quibus respondere usque hac distulisti. Ego quidem sine intermissione litteras scribo tu vero contra mi Hieronyme obmutescis iam diu quod mihi non parum molestum est. Si latine rescripseris una saltem lineolacontentus ero. Non te ignarum arbitror quo pacto sacris scriniis Regis que vulgo Regium Archivum vocant fuerim per Regiam maiestatem prepositus verum enimvero id te scire velim pallaciam maliciam invidiam mortalium hac tempestate indies in me adeo vigere ut obtrectatorum morsus vipereos effugere haud valeam emuli undique assunt qui vitam qui mores qui acciones meas suis morsibus lacerare audeant. Quicquid in buccam venit in me expectorare non verentur intuentes nam quipiam eorum me uti officio Scribe domini Regisid pati non possunt inquiunt namque Jacobum Garciam amicum et contubernalem nostrum carissimum aliosque in huiusmodi Archiviofficio predecessores nusquam usos fuisse licet concedant eum qui Archinotarius sive Archivarius est seu clavesipsius Regii Archivi tenens domini Regis Scribam(quem vulgo mandati Scribam apellant) semper existere. Bartholomeus profecto Verinus vir doctissimus ac inacte virtutis Consiliarius ac Regens Cancellariam domini Regis qui me imprimis amat charumque habet cupiens me ad tam honestum exercitium admitti priusque ad id me introduceret videre et perlegere voluit una cum egregio ac prefacundo viro Joanne PeyronoLocumtenente prothonotarii Domini Regis an is Jacobus Garcias predecessor meus officio Scribe mandati uteretur nec ne. Ego sane ut eorum desyderio satisffacere et ab horum conscribarum Regiorum morsibus cavere valerem haud incuria maximis matutis singulis diebus etiam festis Regum regesta in eodem Archivo Regio recondita volvere et revolvere enixus suin et quum iam nihil in hac re comperiissem post omnipotentem Deum (quem pre ceteris venerari amarique oportet) Sanctum divumque Angelum Raphaelem mihi patronum tutorem defensorem deligens amore gratia et benivolentia sua multa decreta que vulgo mandata nuncupant in actis et Regiis litteris tam per Jacobum Gartiam quam alios predecessores in hoc Archivo apposita (que in ipsis regestis exarantur eosque hoc officium exercuisse) multo tempore comperi. Que omnia et Bartholomeo Verino et Joanni Peyrono quos prediximus Item Joanni Villario eloquentissimo viro tibi et mihi amico et necessario precipuo ac Petro Bancells (Baucells)Locumtenente Magistri rationalis viro utique circunspecto iucundissime commostravi quippe qui sua virtute ab adversariis meis in omnes partes ad me defendendum putant. Idcirco ut mihi et successoribus meis in ipso Archivi officio tanquam lumen ardeat aeterneque memoriae commendetur hanc rem omnem in papyro folioimpreso in Armariis Catalonie (ubi pleraque ad huiusmodi offitium pertinentia manu propria annotavi) depingere mihi placuit. Te etiam qui alter ego es harum rerum compotem facere. Vale decus et unicum solatium meum antiquitatumque amator. Pridie Calendas Maias anno Christiane Religionis MCCCC septuogesimo septimo. Ex urbeBarcinone.

Documento 9

N. 7. Diversorum 4. Ferdinandi II. n. 3548. fól. 199.

N. 7.
Diversorum 4. Ferdinandi II. n. 3548. fól. 199.

Petri Michaelis Carbonelli.

Nos Ferdinandus etc. Volentes vos dilectum et fidelem Scribam nostrum ac tenentemclaves nostri Archivi in Civitate BarchinonePetrum Michaelem Carbonellum favore et libertate prossequi infrascripta qua scimus vos pro moderatione vestra non nisi ad necessitatem et temperate usurum. Presentium tenore et de nostri certa scientia et consulto concedimos vobis et permittimus quod quocienscumque et quandocumque volueritis pro negociis vestris aut tempore insalubritatis aeris seu pestis in dicta civitati quem Deus avertat liceat vobis a dicta civitate quam longius volueritis excedere et quantum fuerit vobis necessarium morari dum tamen in discessu vestro claves ipsius Archivirelinquatis Protonotario nostro vel eius locumtenentiaut alicui ex Scribis mandati et in casu eorum absentieMagistro rationali Cathalonie vel eius locumtenenti aut alicui ex scribis officii eiusdem qui si interim exquirendum aliquid sit in dicto officio curie nostre nesessarium aut parti alicui private exquirat et fungatur officio vestro. Et in his absenciis vestris pro presente et serviente a dicto protonotarioet Scriba porcionis domus nostre habeamini et fiat vobis computum et solucio quitacionis vestre si tanquam non recessissetis ordinationibus aut pragmaticis sanctionibus si que forte essent que absenciam vestram prohiberent super quibus pro hac vice dispensamus in aliquo non obstantibus. Mandantes dictis protonotario et Scribe porcionis universisque et singulis officialibus nostris maioribus aut minoribus ad quos spectet quod nostram huiusmodi provisionem et singula in ea contenta ad unguem teneant et inviolabiliter observent quoniam hec est voluntas nostra. In cuius rei testimonium presentem fieri jussimus nostro comuni sigillo a dorso munitam. Data in nostra civitateTirassone die tertio mensis marcii anno a nativitate Domini Millesimo quadringentesimo octuagesimo quarto. (1484)
Yo el Rey.
Dominus Rex mandavit michi Gaspari Darinyovisa per thesaurarium generalem et locumtenentem conservatoris generalis.
P.

N. 6. Itinerum 4. Infantis Ferdinandi, Locumtenentie Joannis II. n. 3518, fól. 80 y 81.

N. 6. 

Itinerum 4. Infantis Ferdinandi,
Locumtenentie Joannis II. n. 3518,
fól. 80 y 81.

Después de copiar íntegra y exactamente el documento precedente, pone a su pie la confirmación que se sigue.

Et nos Ferdinandus eadem gratia Rex Castelle Legionis Sicilie etc. visa carta paternaRegia et contentis in ea moti eisdem respectibus quibus dictus Serenissimus dominus Rex genitor noster motus extitit in concedendo tenore presentium deque nostra certa scientia et expresse cartam preinsertam ac omnia et singula in eadem contenta laudamus approbamus ratifficamus et confirmamus ac de novo concedimus nostreque laudationis aprobationis ratifficacionis et confirmationis ac nove concessionis munimine roboramus in quorum testimonium presentem fieri jussimus sigillo gubernationis nostre generalis quo antequam ad apicem horum Regnorum assumpti essemus utebamur cum alia nondum fabricata fuit inpendenti munitam. Datum in Civitate de Xerez die XXIII mensis octobris anno a nativitate Domini MCCCCLXXVII Regnorum nostrorum videlicet Castelle et Legionis anno quarto Sicilievero decimo.

Yo el Rey.

Dominus Rex et primogenitus mandavit michi Gaspari Darinyo visa per Gabrielem Sanchez Locumtenentem generalis Thesaurarii et Jo. Danchias pro conservatore generali.
P.

Documento 7