XI. Facultas piscandi in stagno de Castilione Abbati S. Petri Rodensi concessa. an. DCCCCLIII. (953)

XI.

Facultas piscandi in stagno de Castilione Abbati S. Petri Rodensi concessa. an. DCCCCLIII. (953) (Vid. pág. 45). 

Ex cartor. S. Petri Roden. fol. 4. 

In nomine sanctae et individuae Trinitatis Ludovicus divina propitiante clementia Francorum Rex. Si locis Sanctorum divino cultui mancipatis aliquam nostri juvaminis, dignitatisque regiae opem conferimus, ab omnium summo Remuneratore id nobis recompensari pro certo confidimus. Quapropter omnium sanctae Dei ecclesiae fidelium nostrorumve tam praesentium quam et futurorum noverit sollertia, quoniam nostrae dignitatis adiens presentiam Hildesindus, Abbas monasterii Sancti Petri, quod situm est in monte Rodas, reverenter expetiit quatinus quandam piscationem ex consensu et voluntate Gozfredi, illustris Comitis, ex cuius comitatu ad praesens esse videbatur nostrae regalitatis praecepto jam praephato monasterio largiri in perpetuum dignaremur: quod et fecimus. Est autem memorata piscatio in comitatu Petralatense posita, quae dicitur stagnum de Castilione cum tribus insulis sibi adiacentibus, quarum una vocatur Udvagro, altera vero Fonilaria, tertia autem Savarto. Exterminatur itaque praedictum stagnum in oriente in territorio Petreto, et in villa Aguti (Vilagut) et Torrizella et stagno Sanguinario, seu in Sancta Margarita, vel in ipsa arena. In meridie igitur usque in mare cum ipso gradu (grado, graó o grasó, Grao en Valencia). In occidente vero in territorio de villa Castilione cum ipso cannare usque in ipso Dedo, ac cum ipso Madalexo usque in Sancto Jhohanne. In circio et aquilone autem in territorio Monte maiore, que dicunt Muscario, vel in ipso territorio Sancti Petri. Unde hoc nostrae altitudinis decretum fieri ac praelibato Abbati Hildensindo dare praecepimus per quod praedictum stagnum cum omni integritate, veluti superius relatum est, tam ipse quam sui successores atque monachi praedicti coenobii habeant, teneat (teneant) ac perpetualiter possideant, atque secundum sui velle ut melius amodo voluerint per omnia disponere satagant. Regia denique auctoritate jubemus atque sanccimus quod nullus Comitum seu Vice-comitum vel vicariorum, aut aliqua prepotens persona aliquam exinde violentiam inferat, sed sicut disposuimus in Abbatis consistat. Et ut haec nostrae auctoritatis largitio inviolabiliter conservetur manu nostra eam subtus firmantes sigillo insigniri nostro mandavimus. = Signum Domni Ludovici + gloriosissimi Regis. = Oydilo regiae dignitatis cancellarius ad vicem... Archiepiscopi recognovit. Actum Lauduni Montis VI. idus septembris anno XVIII. inditione XI, regnante Ludovico glorioso. 

X. Wisadi Episcopi Urgellensis donatio ecclesiae S. Petri Rodensi an. DCCCCXLVII. (947) (

X.

Wisadi Episcopi Urgellensis donatio ecclesiae S. Petri Rodensi an. DCCCCXLVII. (947) (Vid. pág. 44.)

Ex cartor. S. Petri Roden. fol. 20. b. (se lee 6.) 

Quia in hac valle lacrimarum et miseriae venerabilibus sanctorum suffragiis cotidie indigemus, ut per eorum auxilia pervenere possimus ad grandia paradisi gaudia quae misericors Deus diligentibus se preparavit ante omnia saecula; ego Wisadus Episcopus in Sanctae Mariae cenobio Urgellensi Sancti Petri ecclesia in Cerdania in villa Ulceia cum tota illa parrochia et decimis et primitiis Sancto Petro donavi in Rodas in comitatu Petralatense subtus ipsa verdaria ut eius venerandis praecibus Domini misericordia consequi merear et cum volumptate Archidiaconorum et ceterorum cannonicorum meorum et nobilium laicorum hoc dedi, et venerabilem Abbatem Eldesindum et ceteros patres et fratres in Sancti Petri monasterio Deo militantes supplicibus rogavi praecibus ut pro caeteris Episcopis successoribus meis summi Dei clementiam jugiter deprecarentur, ut eam donationem eiusdem ecclesiae quam pro mea summa salute et illorum omnium Deo et Sancto Petro donavi, firmiter et caritative augendo ipsi conservent. Omnes benedictiones quae scriptae sunt in veteri et in novo testamento in eis descendant qui istam donationem firmiter conservaverint, et post dubium et fragitem vitae istius cursum auxilio Sancti Petri pervenire possint ad paradisi gaudia quae diligentibus se misericors Deus praeparavit. Scriptura istius donationis facta est in idibus aprilis anno ab Incarnatione Domini DCCCCXLVII. inditione V, venerabilis Regis Lodoici regni XI. anno.

Wisadus Sanctae Urgellensis ecclesiae Episcopus qui hanc scripturam fieri jussi et firmare rogavi et subscripsi. = Gumilus Archipresbiter ss. = Gotmarus Archilevita ss. = Ermemirus presbiter. = Sig+num Eldesindus Archipresbiter. = Sig+num Guadamirus presbiter. = Froilus levita ss. = Gisclaricus sacer. ss. = Wiscafredus levita ss. = Salamaricus presbiter ss. = Wadamirus presbiter ss. = Egilius levita ss. = Witmarus presbiter ss. = Exemeius sacer. ss. = Daniel presbiter qui hanc karta donationem scripsi et ss. die et anno quo supra.

IX. Tassii et ejus uxoris donatio monasterii S. Petri Rodensis. an. DCCCCXLV. (945)

IX. 

Tassii et ejus uxoris donatio monasterii S. Petri Rodensis. an. DCCCCXLV. (945) (Vid. pág. 43) 

Ex autogr. in arch. S. Petri Roden. 

Scripturarum series declarat, ut quicunque enim vult eternum evadere supplicium de rebus istis transitoriis debet sibi praeparare viam salutis eternae. Ab hoc igitur ergo in Dei nomine ego Tassius et uxor mea Hisblanda consideramus pondus peccatorum nostrorum vel pertimescimus eterni Judicis iram ut ante tribunal Christi veniam mereamur adipisci de peccatis nostris propter remedium animas nostras et propter remedium animae genitori meo Heldesindi vel genitrice mea Levogode et uxori meae qui fuit condam nomine Amalvigia, et propter remedium animae filio meo nomine Sperandeo vel filia mea nomine Levogodo, et propter remedium animae filio meo nomine Heldesindo vel filios et filias quos mihi Deus dederit, sic concedimus vel condonamus ad monasterium qui est fundatus in onore Dei et Beatissimi Petri qui est clavigerus hetereus. Et est jam dictus monasterius situs in pago Petralatense in monte quae dicitur Rodas. Sic donamus vel tradimus alodem nostrum qui est in comitatu Petralatense infra terminos de villa Kabannas, ubi dicunt ad ipsa isola de Sancto Saturnino; et afrontat ipsa isola de parte orientis in ipso volono vel per ipsas *holiastras qui sunt latus ipsum domum Sancti Saturnini; et de parte meridie affrontat in ipso volono vel in ipsa isola de Wadaldo Episcopo, vel in ipsa riba qui est ultra fluvium Sambuga; de parte hoccidentis affrontat in ipsa riba qui est ultra fluvium Sambuga, et de parte vero circi affrontat in ipsa isola de Sperandeo vel de suos heredes vel in ipsa ripa. Et in jam dicto commitatu Petralatense in alio loco ubi dicunt ad ipsas artigas latus ipsa vinea velia de Sancto Petro Apostolo sic donamus vel tradimus domos, curtes, hortos, hortalibus, aquis aquarum, vieductibus vel reductibus. 

Et affrontat ipsos domos cum ipsas curtes, et cum ipsos hortos, et cum ipsas vineas, et cum ipsas terras, et cum ipso hermo qui ibidem est. De parte horientis affrontat in ipso torrente qui exinde discurrit ad castrum Miralias, (Miralles) et de parte meridie affrontat in ipsos domos vel in ipso semitario (semita : senda, sendero) qui discurrit de Sancto Petro ad ipsum villare qui fuit de condam Oderici; et de parte occidentis affrontat in vinea de Bligdario vel de Bellone, et de parte vero circi affrontat in ipsa terra herma de Hennegone vel inculta. Quantum infra istas affrontationes includunt quod superius... ipsa isola quam de ipsas artigas quae nobis advenit ex conparatione (comparatione : compra) tam cultum quam incultum, aquis aquarum, viaductibus vel reductibus omnia... donamus vel tradimus ad domum Sancti Petri qui est clavigerus hetthereus propter remedium animas nostras, sicut superius resonat, quantum ibidem hereditare debemus per ex conparatione exceptus ipsa parte de ipsos conplantationes, sicut in illorum scripturam hemptionis resonat. Ea scilicet ratione ipsos alodes cum omnia superius scripta sic donamus vel tradimus ad jam dicto monasterio in eadem ratione ut nullus Abba nullus monacus, nullusque minister de isto jam dicto monasterio non habeant licentiam nec vindere, nec permutare ad nullumque viventem hominem. Dum ego Tassius vixero, teneam ista omnia superius nominata et possideam, et post meum hobitum, si ego filium dimisero qui in isto jam dicto monasterio traditus fuerit, teneat et possideat ista omnia superius nominata in obedientia de jam dicto monasterio Sancti Petri. Et si quis quod habsit ad inrumpendum aut sustemptare voluerit iram Patris et Filii et Spiritus Sancti, sub anathema maranatha vinculo sit ligatus in perpetuum, et in isto presente tempore quod tenemus alligamus legique nostrae ut conponat solidos DCC et in antea ista karta donationis vel tradictionis firma et corroborata et stipulata adnixa sit confirmata. Facta karta donationis vel tradictionis II kalendas decembris anno IIII regnante Radulfo Rege. = Tassius qui hanc carta donationis vel tradictionis feci et firmare rogavi. + = Sig+num Hisblanda. = Sig+num Hiralius. = Sig+num Thidila. = Sig+num Wigila. = Sig+num Galindo. = Galindo presbiter ss. = Wimara presbiter ss. = Sargisus levita ss. = Argemirus presbiter ss. = Idoneus ss. = Leufredus presbiter qui hanc donatione vel tradiccione (: traditione) rogatus scripsi et sub+scripsi die et anno quo supra.