XVIII. Testamentum D. Hugonis de Cervelló, lethali vulnere sauciati a Roberto Aquilone,

XVIII. 

Testamentum D. Hugonis de Cervelló, Archiepiscopi Tarraconensis, lethali vulnere sauciati a Roberto Aquilone, olim Comite Tarracon., an. MCLXXI. (1171) (Vid. pág. 106.).

Ex autogr. in arch. eccl. Tarrac.

Notum sit cunctis quoniam nos ecclesiae Tarraconensis canonici ad dominum nostrum Hugonem, Tarraconensem Archiepiscopum, Apostolicae Sedis Legatum accedentes post letale … (f. vulnus) sibi illatum, suscepimus ab eo in mandatis, et per obedientiam, qua ei astricti tenebamur, nobis iniunxit, ut secundum ordinationem suam, quam post mortem ipsius in hac carta inscripsimus, res suas distribueremus. Primum itaque mandavit dare pauperibus CCC. solidos: hospitali, quod ipse in Tarracona inceperat C. m.°: ad opus Populetensis ecclesiae XX. m.°: monasterio Sanctae Crucis C. solidos: hospitali Jerusalem pelles quas ei fratres dederant, reddi mandavit: fratribus miliciae C. solidos: item Sanciae de Rocha quendam anulum reddi mandavit: Petro Estirad X. m.°: domui S. Rufi Ilerdensi XX. m.°: item nepti suae, uxori A. de Anglerola C. solidos: Petro de Sancta Fide C. solidos: Gombaldo de Uluia C. solidos. Praeterea mandavit quod equs Guillermi de Camarasa redimeretur de CCC. solidis et XI m.°: Petro de Bagnariis C. solidos: Raimundo de Villanova C. solidos: item dimissit Guillermo de Claramonte totum quod habebat in terram, et palatio Morata. Mepti suae eius uxori Ermesendi pelles suas martinas dari mandavit. Item Guillermo de Camarasa fratri suo Gurmeranum cum fructibus suis dimissit, et unam mulam dedit. Geraldo Alaman, fratri suo duas mulas, et duos cifos argenteos dari mandavit. Episcopo Oscensi cupham suam, quam ei dederat, reddi mandavit. De annona autem et vino, quae habebat apud Barchinonam et in Tarrachona, mandavit primum accipere CC. solidos, de quibus mandavit dari monasterio S. Pauli. L. solidos: Leprosis, L. solidos: monasterio S. Petri L. solidos: monasterio S. Eulaliae L. solidos; reliqua vero omnia mandavit quod Episcopus et canonica haberent per medium. Quatuor ebdomadariis Barchin. dimisit VIII. m.°: coeteris vero praesbyteris eiusdem Sedis duos m.°: monasterio S. Cucuphatis X m.° Mandavit autem quod filio Guillermi daretur apparatus militiae, cui dedimus mandato … L. aureos, et equm (equum) brunum. Item mandavit reddi uxori Arnaldi vetuli, et filio suo Arnaldo XL. m.° Praeterea suae familiae dari mandavit, Raimundo, repostero primum CCC ... Petro de Quadres C. solidos, Bernardo Mancipio C. solidos, Arnaldo de Taga C. solidos, Petro de Molleto L. solidos, Petro de Lusia XL. solidos, Petro Sendredo XL. solidos, Petro Guielmi XL. solidos, Berengario Trepad XX. solidos, Johanni XX. solidos, Ponciolo de Villamaiori XX. solidos, Johanni de Ilerda X. solidos, Petro Cama XXX. solidos, Guillermo de Uluia X. m.°, Raymundo de Gaiano VII. m.°, Raymundo Urgellensi I. m.°, Geraldo Petasio IIII. m.°, Guillermo de Aragone III. m.°, magistro Joel III. m.°, mayoribus castri C.III. solidos, quos eis pro mercede debebat, Berengario Maltio de Muro CXIX solidos, et ... Cornardo II. solidos. Totum autem hoc paccari mandavit de DCC.XX.III. m.° quos habebat Raimundus reposter, et de mille CC. solidos jaccensis monetae, quos habebat Bernardus Mancipii, et de his quae habebat Bernardus, de Mogoda et Bonetus de Ilerda. Si qua superfuerint, operi ecclesiae dedit. Praeterea mandavit, quod mille m.°, quos tradiderat Poncio de Barberano, iturus Romam, ad opus ecclesiae incipiendum et ad officinas canonicae faciendas, in eodem opere, sicuti tunc ordinaverat, expenderentur; D. videlicet in opere ecclesiae, et D. in officinis canonicae. Nichilominus quoque mandavit, quod de duobus millibus XXXI. aureorum, quos habebant fratres Militiae Templi apud Montem pessulanum, quod CCCC. aurei curiae Romanae persolverentur; domino Papae videlicet C., domino Jacincto CC.LXXX. m.°, quos ei debebat, Hugoni de Bononia XX. m.°, quos ei promiserat, Guillermo de Teirico D. solidos persolverentur, et fratribus Militiae C. solidos, quos eis superius dimissit. Reliqua operi ecclesiae dari mandavit. Et si quis aliquid inde substraxerit, vinculo anathematis eum astrinxit: medietatem vero panis et vini quae habebat, et Sarracenos et ademulas suas et anulos suos minores quos in capella habebat, operi ecclesiae dedit: reliquam vero medietatem panis et vini et duas cuppas et duos cifos argenteos et quartam partem galee successori suo conservari mandavit. Annulum suum maiorem, et capellam in thesauro sacristiae reponi mandavit, et ibi perheniter conservari (a: Desunt quidem in hac carta subscriptiones; verum eo tempore scriptam caracterum forma et nexus ad evidentiam usque suadent. Unde pro autographa et authentica illam habere cogimur.)

XVII. Testamentum D. Bernardi de Olivella, Archiepiscopi Tarraconensis, an. MCCLXXXVII. (1287)

XVII.

Testamentum D. Bernardi de Olivella, Archiepiscopi Tarraconensis (se lee Tarraconsis). an. MCCLXXXVII. (1287) (Vid. pág. 102.)

Ex autogr. in arch. eccl. Tarrac.

In nomine Domini nostri Jesu Christi. Amen. Nos Bernardus divina miseratione Tarrachonen. Archiepiscopus, attendentes quod omnia, quaecumque in hoc mundo consistunt, sunt transitoria et caduca, et hoc solum quod bene agitur seu etiam ordinatur, ad remunerationem in coelesti patria perseverat; idcirco in nostra plena memoria, sensu atque discretione, nec minus integra loquela manentes, ordinationem sequentem de rebus nostris ob salutem animae nostrae, prout inferius sequitur, ordinamus; quam, sicut nostram ultimam voluntatem, volumus et mandamus inviolabiliter observari, postquam Dominus noster Jesus Christus ab hac luce migrabili nos duxerit evocandos. Ad cujus observationem seu exequutionem diligentius et liberius faciendam discretos viros nobisque carissimos R. de Angularia, Precentorem, Bernardum de Ripis, Sacristam ecclesiae nostrae Tarrachon., necnon et Raymundum de Ripis, militem, de quorum fide et legalitate plenam obtinemus fiduciam, exequutores sive manumissores nostros eligimus. Quibus plenariam damus et concedimus potestatem ordinandi et exequendi de rebus nostris, sicut inferius continetur, si prius nos mori continguat quam ordinationem aliam faciamus. In primis igitur quantum ad cappellanias, quas olim ordinavimus et statuimus facere in cappella Sanctae Teclae, quae dicitur vetus, in cimitterio Sedis Tarrachon., volumus firmiter et mandamus quod juxta illam ordinationem, quam jam super ipsis cappellaniis anno praeterito fecimus, dum Tarrachonae infirmabamur, fiant et ordinentur in omnibus pertinentibus, ad easdem. Quam quidem ordinationem olim per nos super ipsis cappellaniis factam quoad ipsum articulum confirmamus, et in suo robore volumus permanere: adicientes quod praefati exequutores nostri interim denarios et peccuniam de quibus debent ipsae cappellaniae constitui, portent fideliter et deponant apud castrum de Miraveto; et ex tunc juxta eorum conscientiam, quam ex hoc intendimus honerare, redditus, emant pro praedictis cappellaniis instituendis, et solvantur emptiones factae per eos de denariis et peccunia memoratis. Item legamus et mandamus dari capellae Sanctae Teclae praedictae Breviarios nostros, qui in duabus partibus sunt, et insuper omnes alios libros ecclesiasticos ordinarios quos habemus. Item ob remedium animae nostrae et omnium fidelium defunctorum dimittimus mensae Fratrum (se lee Fratruum) Minorum conventus Tarrachon. D. solidos. Item mandamus dari et tradi conventui Praedicatorum Tarrachonae omnes libros nostros theologicos, quos quidem jam antea donaveramus eisdem. Item mandamus dari et solvi sororibus Sancti Damiani conventus Tarrachon D. solidos quos eisdem dare promissimus ad opus ecclesiae suae. Item legamus Sibiliae, filiae Jacobi de Monte Palatio militis C. aureos. Item legamus Johanneto Martini, clerico et scutiffero nostro C. aureos. Item dimitimus, et mandamus dari Pagesio, Celmatono, Marquesio, Robiono, R.° Catalani, Bernardo Salseles, Picalordio, et Castelleto, repositario propter servitium quod nobis longo tempore praestiterunt nobiscum manentes, unicuique ipsorum D. solidos Barchinonae. Ita quod computentur in ipsis et recipiant in solutum oleum quod a nobis habuerunt pro rata. Et haec solutio residui fiat eis de blado nostro quod hic habemus ad agnitionem praedictorum exequutorum nostrorum. Item legamus Berengario de Turentibus, nepoti nostro C. aureos, quos eidem promissimus ad opus castri de Podiolo. Item mandamus solvi alios centum aureos A. de Çolivella, nepoti nostro, quos eidem similiter jam ante promisseramus. Item legamus Bernardono, filio Berengarii de Tornamira, militis C. aureos. Item legamus Berengario Terradeles scutiffero nostro L. quarterias de mixtallo. Item legamus, et mandamus dari Bernardo Boneti, notario nostro CC. aureos. Item legamus duabus filiabus R. de Ripis, militis et exequutoris nostri praedicti CC. aureos: videlicet C. aureos unicuique ipsarum. Omnia alia bona nostra mobilia et se moventia ubicumque sint, comittimus fidei et legalitati praedictorum exequutorum nostrorum, ut ipsi juxta eorum discretionem, ordinationem et taxationem distribuant pro salute animae nostrae in personis domus nostrae vel aliis, sicut eis videbitur faciendum, necnon et in aliis piis causis, sicut nostrae animae secundum Deum viderint expedire. Quod est actum videlicet et firmatum IIII. kalendas novembris in hora tertia ipsius diei anno Domini M.CC.LXXXVII. praesentibus testibus, audientibus et videntibus G. de Rupe, Rectore ecclesiae de Cornutella, Hugueto, capellano ecclesiae de Pratdix, Raymundo Michaelis, Rectore ecclesiae de Passananto, et G. Marbuscha, habitatore villae Alfurgiae (Alforja) ad haec spetialiter convocatis. = Ego Bn. Boneti, notarius publicus et juratus Domini Archiepiscopi supra dicti ejusdem mandato et autoritate haec scripsi, et premissis interfui loco, die et anno praefixis, meumque hic apposui sig+num.

XVI. Testium, Tarraconae, Robertus, Princeps, Bernardo, Archiepiscopo, Raymundo, Comiti,

XVI.

Carta testium qui adfuerunt cessioni urbis et campi Tarraconae quam Robertus, Tarraconensis Princeps fecit Domino Bernardo, Archiepiscopo, et Raymundo, Comiti Barchinon. (a: Vid. infra ad ann. 1162.), an. MCLIII: (1153) (Vid. pág. 101.)

Ex autogr. in arch. eccl. Tarracon.

Haec sunt nomina eorum qui viderunt et audierunt quomodo Rodbertus, Princeps Terrachonensis, et conjunx ejus, Agnes diffinierunt et laudaverunt Deo et ecclesiae Sanctae Teclae et B. Tarrachon. Archiepiscopo et Domino R. Berengarii, Barchinonensium Comiti, duas partes de tota civitate Terrachona, et duas partes similiter de toto territorio ipsius civitatis, ita ut tertia pars totius civitatis et territorii sit Rodberti et conjugis ejus ac filiorum suorum, salva fidelitate Comitis et B. Tarrachon. Archiepiscopi et ecclesiae Sanctae Teclae. In primis affuit B. Tarrachon. Archiepiscopus et G. Barchinon. Episcopus, et P. Ausonens. Episcopus, et P. Sacrista Barchinonen. et Bertrandus de Castelet, et Rodgerius, Tarrachon. canonicus, et Ollarius, Bajulus Comitis, et P. de Carcassona, et G. de Cunil: Et hoc fuit factum in ecclesia Sanctae Mariae Tarrachonae IIII. idus junii anno M.C.LIII. Dominicae Incarnationis. = Sig+num Guillermi Barchinon. Episcopi. = Sig+num Bertandi (Bertrandi) de Castelet. = Sig+num Ollarii, Bajuli Comitis. = Sig+num Petri de Carcassona. = Sig+num G. de Cunil. = Seioredus, notarius Tarraconensis Sedis hoc scripsit, qui praedictis omnibus praesens affuit.