VII. Testamentum Sisebuti II. Urgellens. episcopi, anno DCCCXXXIX. (839)

VII.

Testamentum Sisebuti II. Urgellens. episcopi, anno DCCCXXXIX. (839) (V. pág. 59.) 

Ex. cartor. I. eiusd. eccl. n. 802. fol. 237.

Testamentum Sisebuti boni episcopi de suis causis vel alodiis. 

In Dei Omnipotentis nomine, domnae mea Virginis Mariae domum sedis Urgellitanae, matris Domini nostri et Salvatoris nostri Ihesu Christi. 

Sisebutus, gratiâ Dei antistis, exiguusque omnium episcoporum, superintentor loci illius, mente cogitans mortis exitum, quod ex traduce et poena peccati praeparatum est omnibus, propter remedium et innumerabilium facinorum meorum, iam dictae genitrici, cui servus existo, munus aliquod offero ex parva facultate a Deo nobis concessa. Diem ultimum excidii timens repentinae et subitaneae mortis, ne intestatum existat, orando Deum exobto esse ita sub scripturae vinculo conligatum, ut nullus ab ac domum, qui iam pene constat esse dirutum, ne incurrens sit ira Dei, aut ante obitum, aut post obitum nostrum, modicas oblationes nostras mentis auferre praesumat. Offero namque et concedo vineam, quem comparavi de Ildigerno, cognomento Nuatiano, in pavo (: pago) Orgellitano, prope Villanova; qui ex uno latere terminatur terra, quam dominus Suniofredus comes propter elemosinam concessit ad ipsam ecclesiam, et ex alia Nuatiani, ex tercio ipsius ecclesiae. Do igitur et concedo similiter vineam, quem comparavi de Donato, in pao (pago, pavo) Orgellitano, in montem Inaqualem; et qui infrontat in terra ipsius ecclesiae. Offero namque, et concedo vineam, quem comparavi de Liberano ad Inaqualem, qui infrontat in terra ipsius ecclesiae. Do igitur et concedo vineam, quem emsi de Daccoverto similiter ad Inaqualem, qui infrontat in terra ipsius ecclesiae. Offero namque, et concedo vineam in pao Verennetano, quem comparavi de Martino, qui ex uno latere terminatur in via publica, et alio latere vinea Traserici. Do igitur, et concedo ex terra arabile modiatas sex, in pao Verennetano similiter, quem emsi de Donato clerico, qui ex uno latere terminatur in via publica, et ex alio vinea Martini. Offero namque et concedo vineas duas, quem comparavi de Aconcio, una in Cavallaria, et alia prope via, qui discurrit ad Novas, ecclesiam et domum quem comparavi de illo. Do igitur et concedo ad domum iam dictae domnae meae semper virginis Mariae genitricis Domini nostri Ihesu Christi, pallios duos, et tappites duos, vasculos argenteos duos. Atque etiam propter animae meae remedium do et concedo ad domum sancti Felicis venerabilis martyris Orgello, Expositum obtimum Bedae in Lucam. Do et concedo ad domum sancti Saturnini monasterium, Expositum obtimum beati Ambrosii in Lucam. Do et concedo ad domum sancti Clementis monasterium, sententiarum Expositum beati Taionis (Tajón). Do et concedo ad domum sancti Aciscli Sentilias monasterium, librum Expositum beati Augustini contra hereses quinque. Do et concedo ad domum sancti Vincenti Gerre monasterium, Lectionarium obtimum. Do et concedo ad domum sancti Felicis, Manualem Toletanum, Lectionarium, et vestimentum. Do et consedo (concedo) domnae meae domum Virginis Mariae sancta Grata monasterium, librum Expositum in Matheo. Do et concedo similiter domum domnae meae Virginis Mariae monasterium Alaone, Bibliotecam. Do et concedo similiter domum domnae meae Virginis Mariae monasterium Taverna, libros duos B. Augustini de Trinitate. Haec parva ex desiderio iam dictae genitricis, cui servus existo, et sanctorum martyrum per sacra monasteria residentium, remediumque animae meae, illis offero atque concedo, ut ab hodierno die et tempore, qui ministri sedis ipsius extiterint, ad opus iam dictarum ecclesiarum vindicent, possideant, et conservent. Si quis sane, quod fieri minime credo esse venturum, quod si ego iam dictus Sisebutus episcopus, sive aliquis parentum meorum, vel si quislibet homo, hanc donatione disrumpere conaverit, aut aliquid auferre voluerit, auri libras sexaginta componere compellatur, et donatio nostra firmis permaneat. Facta donatio V. Kalendas Aprilis, anno XXVI. regnante Leudovico rege Augusto. = Sig+num Sisebuti episcopi, qui hanc scripturam iussit scribere, et firmare. Sig+num Aureoli presbyteri. = Sig+num  Quintilani presbyteri. = S¡g+num Asneri presbyteri. = Seniofredus scriba, qui rogatus + hic scripsit.

VI. Acta consecrationis ecclesiae S. Mariae in castro Lilieto, facta a Sisebuto II. episcopo Urgellensi, anno DCCCXXXIV. (834)

VI. 

Acta consecrationis ecclesiae S. Mariae in castro Lilieto, facta a Sisebuto II. episcopo Urgellensi, anno DCCCXXXIV. (834) (V. pág. 57.) 

Ex autogr. in arch. eccl. Urgell. 

In Dei omnipotentis nomine, et Salvatoris nostri Ihesu Christi: temporibus domni et piissimi imperatoris nostri Hludouvici (variante de Ludovico, Ludwig, Luis): nos homines commanentes in castro Lilieto subter notati, propter ammorem (amorem) Dei, et remedium animae nostrae, locum antiquitus vocitatum sanctae Mariae virginis matris Domini, sancti Petri et sancti Iohannis Babtistae, adiuvante Domino, unâ cum antestite nostro domno Sisebuto episcopo, ad restaurationis culmen adduximus, et ud potuimus canonice condotavimus illut. Ego enim in primis Servus Dei, praesbyter, dono et concedo partibus sanctae Mariae, sancti Iohannis, et sancti Petri terram cultam, quam in honore ipsius ecclesiae fecimus subtus ipsas ecclesias, condaminam modiatas viginti, et ex alio latere de parte orientis do vinea plantata modiatas tres, et terra culta, qui est iuxta ipsa vinea modiatas decem, et subtus ipsa terra do et concedo mulinarem anticum, et duos boves. Similiter et nos Mancio, Elias, et Domnulus donamus, et concedimus subtus ipsas ecclesias terram cultam capiente quartatas sex. Ego Longovardus dono ad supra dictas ecclesias bovem unum. Similiter ego Aspandus dono et concedo ad supra dictas ecclesias, in locum qui dicitur ad Pogium, ex terra aravile capiente semodio. Haec omnia sana mente, sanoque animo, et diga (digna) voluntate ad domum sanctae Mariae genitricis Domini, et titulum sancti Petri, et sancti Iohannis Babtistae damus, atque concedimus, et obtamus in finem esse mansurum. Quod si nos iam superius praenotati, idest, Servus Dei, praesbyter, Mancio, Elias, Domnulus, et Longovardus, vel quislibet ex filiis nostris, adque heredes, seu quislibet homo contra hanc dotem vel donationem venire temptaverit, primum indignus ira Dei incurrat, postea vero fisco regis, insistente principe vel iudice, auri libras quinque componere compellatur, in antea vero dotis vel donatio nostra firma permaneat. Facta donatio vel restauratio sub die XV. Kalendis Decembres, anno vicessimo imperatoris nostri serenissimi Hlodouvici Augusti. = Servus Dei, praesbyter, qui hanc donationem manu mea roboravi et subscripsi. = Sig+num Mancioni. Sig+num Eliani. Sig+num  Domnuli. =  Sig+num Longovardi. Sig+num Aspandi. = Sig+num Leuvani, qui hanc dotem vel donationem fieri iussimus, et testes rogavimus qui hic scriberent, vel signa sua facerent. = Sidila praesbyter subscribo. = Asenarius subscribo. = Abielde subscribo. = XV. Kalendas Decembres restaurata a Sisebuto episcopo et subscripta. + Sisebutus + = Kalorcus (Kalordus, Calordo) abba, qui hanc dotem vel donationem scribsi, et subscripsi die et anno quod supra. 

V. Fredelai, aut Fredoli comitis Urgellensis, et Ceritanensis donatio ad domum S. Saturnini ordinis S. Benedicti, anno DCCCXV. (815)

V. 

Fredelai, aut Fredoli comitis Urgellensis, et Ceritanensis donatio ad domum S. Saturnini ordinis S. Benedicti, anno DCCCXV. (815) (V. pág. 49.) 

Ex Cartor. eiusdem mon. ap. Seminar. episc. Urgell. 

In Dei nomine. Ego Fredelaus comes, plebi notum facimus praesentibus et futuris, quod id elemosina domini nostri Ludovici, et proles eius, in beneficium quod accepi, hedificavi cellulam in confinio Ceritaniae, in honore sancti Stephani, et sancti Ilarii, dictavique eam de meas opibus. Nunc autem inclinavi cor ad facienda iustificationem eternam. Et ideo iam dictus ego Fredelaus comes, unâ cum consensu et adiutorio domini Possedoni episcopi, dono ad domum sancti Saturnini cenobii, qui ab antiquo est fundatus in pago Urgellitano, supra dictam ecclesiam sancti Stephani, et sancti Ilarii, cum decimis, et primiciis, et fidelium oblationibus, simulque cum decimis, et primitiis, et oblationibus de villa Sogra mortua (suegra muerta), et cum casas, et casalibus, ortis, ortalibus, terris, et vineis, cultis, et erimis, pratis, paschuis, silvis, garriciis, fontanulis, aquis aquarum, cum eorum decursibus, atque piscationibus, molindinis, molindinaribus, arboribus genere diversis, cum omni genera petrarum, vie euntibus, et redeuntibus, omnia et in omnibus. Dono a...  terminos atque affrontationes ad iam dictam cellulam sancti Stephani, et sancti Ilarii, a parte orientis in ipso Iungente, qui est subtus villa, quae vocant Sogra mortua, sicque ascendit per ipsa coma Durinilega usque in ipsa Pia, descenditque per ipsa strata publica serrana usque in Rivo fred (Riu fred o fret, Río frío), coniungitque ad ipsas Cruces fixas, ascenditque per ipsa Chera usque in cacumine montis que vocant Laguna, pervaditque per sumitates ipsius montis, et usque in Chera de Vuela, et usque in Rivo matrice, pervenitque usque in supra dicto Iungente subtus Sogra mortua. Et insuper dono ego iam dictus comes paschua ovibus, et armentis, de supra dicta cellula sancti Stephani, et sancti Ilarii, egredientibus et regredientibus usque in Petrafixa, et usque in collo de Tauri cubile, et usque in plano de Pozes, et usque in collo de Palo, et in collo de Garrexer, et usque in flumen Segor (Segre). Quantum isti termini infra includunt, et affrontationes istae ambiunt, sic dono ego iam dictus Fredelaus comes omnia supra nominata ab integrum et cum introitibus et exitibus, et regressiis earum, propter Deum et remedium animae meae, et domini mei Ludovici, cuius dono fulgimus, ut teneant et possideant habitatores sancti Saturnini praesentes et futuri totum ab integrum absque blandimento ullius hominum. Quod si ego donator, aut ullusque homines, comes, vicecomes, vicarius, tiuphadus, potestas maior vel minor, qui contra hanc karta donationis venerit pro inrumpendum, et in supra dicta donatione aliquod vim inferre temptaverit, in primis iram Dei omnipotentis incurrat. Et si ausu temerario, quod fieri non credimus, aliquam iniusione in eandem cellula sancti Stephani, et sancti Ilarii supra dicti, neque in suis pertinentiis fecerit, cum Datan et Abiron, quos vivos terra obsorbuit, hereditatem possideat, atque cum Iuda traditore Dñi nri Iesu Xpi incendio concremetur, et in voragine, tartareoque caos dimersos cum diabolo et eius atrocissimis pompis cum impiis deficiat, nisi prius emendaverit. Et quantum iam dicta ecclesia, vel fratribus praesentibus et futuris illic comanentibus aliquid abstulerit, in quadruplum, sicut sancti Canones iubent, iam dicto cenobio componere non demoretur; et insuper in fisco regis componat in auro libras XXti.: et inantea haec donatio helemosinaria plenam habeat firmitatem ab integrum. Facta karta donationis vel helemosinaria V. Kal. Augustias, et in ipso die sacratum: imperante dompno Lodovico Augusto, anni ab incarnationis Domini DCCCXV. 

Sig+num Fredelaus comes, qui hac carta helemosinaria mandavi scribere, sedente me in civitate mea Livia, et testibus firmare rogavi. = Sig+num Gauterius. = Sig+ num Isimbardus. = Sig+num Rainallus, princeps quoquorum. = Sig+num Bernardus. = Sig+num Alvinus. = Sig+num Adans.

+ (cruz de aspas) Possedonius gratia Dei Urgellensis episcopus anatematizo eos, qui praedictas res tulerint a praedicto iure ecclesiae. Qui vero verus custos et observator extiterit, benedictionis gratiam et celestis retributionis a iusto iudice Domino Deo nostro multipliciter consequatur, et vitae eternae particebs esse mereatur. 

Galindus presbiter, qui hanc kartam donationis vel helemosinaria rogatus scripsi sub die + et anno quo supra.