XVII. Dedicatio ecclesiae S. Salvatoris in villa de Ager, anno MXLVII. (1047)

XVII. 

Dedicatio ecclesiae S. Salvatoris in villa de Ager, anno MXLVII. (1047) 

(V. pág. 117.) 

Ex arch. eccl. Agerens. núm. 1564. 

Regnante in perpetuum dño nostro Iesu Christo, anno ab incarnationis eius XXXVI. (XXXXVIII.) post millesimo, venit Arnulphus, gratiâ Dei episcopus, in kastro de Ager, sive in eius terminis, invitatus a preclarissimo viro domno Arnallo, vel eius fidelissima coniux domna Arsindis, sive a plurimis viris habitantes in villa de iam dicto kastro, vel de eius terminos, ut dedicasset ecclesiam in honorem S. Salvatoris, Sanctique Georgii, et Sancti Poncii, sicuti et fecit. Praedictam autem ecclesiam edificavit unus perobtimus vir, nomine Felmirus, pro amore coelestis patriae, et per animam fratris sui Martini, s¡ve Endiscli, et per animam matris sue. Et fecit eam consecrare, et hereditavit eam de suis terris et vineis, et ornavit eam de libros et vestimentos, ... Hic adnumerantur eius eccl. dotes; deinde sic: Ego namque Arnulphus praedictus, gratiâ Dei episcopus, cum assensu domni Arnalli, et eius coniugi, et praeclarissimo viro Felmiro, sive aliorum plurimorum cetum, in eodem praelato iam loco commorantium, iam dictam autem ecclesiam S. Salvatoris cum omnibus quae hodie habet, vel in antea adquisierit, quam notatum est in meum testamentum, ita re... his meis, vel posteritas mea ad servitium Sancti Petri apostoli, quae est fundatus in praedicto castello de Ager... Hactum est hoc XVII. Kal. Madii, anno XVII. regni Henrici regis. Sequuntur subscriptiones. 

XVIII. Dedicatio eccl. Sancti Nicolai in villa de Ager, anno MCI. (1101)

XVIII.

Dedicatio eccl. Sancti Nicolai in villa de Ager, anno MCI. (1101) (V. pág. 118.) 

Ex arch. eccl. Ageren. núm. 2129. 

Anno dominicae incarnationis C. ° I.° post millessimum, venit domnus Berengarius, Barchinonensis episcopus, in castrum, quod dicitur Ager, rogatu Petri abbatis eiusdem loci, et Bernardi Berengarii senioris castri, et matris eius Bellisendis, et constipatus multitudine diversi ordinis clerichorum, militum, et rustichorum, dedicavit ecclesiam in honore beatissimi confessoris Nicholai iuxta idem castrum in loco, quem vocant ad Asperum, ubi est xenodochium ad pauperes recreandos constructum, et reconditis ibi reliquiis Sanctae Fidis virginis, et martiris, et Sancti Gregorii confessoris, designavit ibi cimiterium per circuitum XXX passum. Porro viri illi, qui in hac dedicatione loco illi dedere donaria, isti sunt. Primitus iam dictus Bernardus Berengarii, cum matre sua Bellisendis, dedit ibi I. ferragenale iuxta Asperum: Guillelmus Riculfi unam terram, quam habet iuxta eandem ecclesiam: Bonafilia cum nepotibus suis Berardo, et Arberto aliam terram in loco dicto Pedeger: uxor Reimundi Lobeti Belizia dat ibi aliam terram, que est in via de Corniol: Martinus Eneg aliam terram in illo loco: Petrus Manincasulis unam olivam: Arbertus faber aliam olivam: Godrillis unam terram ad Pradil: Mir Ioannis aliam terram ad Verbel: Chavinus aliam in eodem loco: Compagnus de Cholabor, et uxor sua Vidalia, aliam terram ad Guardiolam: Arnal Cibor ad Manuturres I. linar cum duas olivas: Petrus Godich I. terram super Sanctam Columbam: Guitardus Bellus I. oliva ad Salentis: Gerbet Oseta, cum uxore sua, dedit ei I. optimam terram in loco ubi dicitur Cortinas iuxta viam, que ducit ad Cholobor, tali conventione, ut ipse, et posteri eius hanc omni tempore laborent, donantes quartam partem totius fructus, qui inde exierint, praedictae ecclesiae beati Nicholai: Rodlandus Marches spopondit ibi se daturum quotannis sextarium annonae, et sextarium vini: Martinus Mironi de Clarmont similiter: Aman de Sancti Laurentii similiter: Berengarius Arnalli sextarios II. vini per unumquemque anni: Guillelmus Arnalli sextarium anone, et sextarium vini per unumquemque anni: Vidal de Sancti Laurentii emina I. frumenti, et emina ordei, et sextarium I. vini per unumquemque ani. = Petrus abbas Agerensis, qui hoc confirmat. = Berengarius Barchinonensis episcopus. = Bernardus sacrista, qui hoc confirmat. = Raimundus Elemosinarius. = Petrus prepositus +. = Poncius levita. = Raimundus presbiter, qui hoc scripsit, et sub + (scripsit) die et anno quod supra. 

XIX. Notitia abbatiae S. Michaëlis de Monmagastre.

XIX. 

Notitia abbatiae S. Michaëlis de Monmagastre. (V. pág. 119.) 

Ex arch. eccl. Ageren. núm. 394. 

Convenientia, quae fecit domnus Fruga abba, et canonicis Sancti Michaelis, quae fecerunt cum Guilelmus Bonefilius, et uxori eius Sadonia, quando dederunt eis ipsum alodium, quod habet Sanctus Michaele ad Sanctum Saturninum datur primum per laborationem. Convenit iam dictus Guilelmus et uxori sua, que laborent ipsum alodium iam dictum, sicut debet laborare bonum laboratorem, et faciat rasas, et parietes ubi opus sit, et getet in ipsum alodium de ipsum femis, qui factum fuerit ipsas mansiones Sancti Michaelis, ipsa medietate de anno in anno, et quooperiat ipsas mansiones bene ubi deest, et laboret ipsos olivarios, qui sunt in ipso orto, et faciat bassam, et de ipso fructo, qui fuerit de ipsa oliveta, habeat Sanctum Michaelem ipsas duabus partibus, et Guilelmus terciam partem, et guardet bene ipsos arboribus Sancti Michaelis; et de ipsum alodium praedictum donet Guilelmus iam dictus de ipsum expletum, qui inde exierit ipsa medietate ad Sancti Michaelis, quando miserit ipsa medietate de ipsa femis; et quando non miserit, ipsam quartam partem, et Guilelmus iam dictus, et uxori sua Sedonia donent ad Sancti Michaelis ad ipsa canonica unam pernam obtimam de porcum, cum sex fogazas, et sextarium unum de vinum de anno in anno. Et domnus Fruga abba iam dictus cum canonicis Sancti Michaelis dederunt ipsum alodium iam dictum ad Guilelmus super scriptus, et ad sua mulier Sedonia per laboracionem omnibus diebus vitae illorum, in tale conventu, sicut superius est scriptum; et dederunt ad illos per casalatum ipsum alodium, qui est ad caput Sanctum Saturninum, de ipsa via ad amonte usque ad aliam viam superiorem, et ipsam vineam de Argemir, in tale conventum, que laboret eam bene, et habeat Guilelmus ipsas tres partes, et Sancti Michaelis ipsam quartam partem, et faciat fidelitatem Guilelmus ad abbas Sancti Michaelis et suis canonicis, et succesores illorum. Acta est convenientia... Martii anno XXVI. regnante Philipo rege. = Fruye capellanus SS. = Guilelmus SS. = Bernardus sacer SS. = Sig+num Guilelmi. = Sig+num Sedonia, qui anc convenientia fecimus scribere, et a testes firmare fecimus, et cum nostras manus firmavimus. = Sig+num Adalberti Ricolfi. = Sig+num Mironis... = Petrus Bernardus scolastico. = Baronus sacerdos, qui anc convenienciam rogatus scripsit, et + die, et anno quod supra.