XL. Donatio cujusdam almuniae a Berta, Regina Aragonum monasterio Alaonensi facta an. MCXXV. (1125)

XL. 

Donatio cujusdam almuniae a Berta, Regina Aragonum monasterio Alaonensi facta an. MCXXV. (1125) (Vid. pág. 125.)

Ex arch. monast. Alaonen.

In nomine sanctae et individuae Trinitatis Patris et Filii et Spiritus Sancti. Amen. Ego Berta Regina libenti animo et spontanea volumptate pro remissione peccatorum meorum dono Deo et Beatae Mariae Alaonis et Bernardo Abbati et cunctis successoribus suis almunia nostra quae est inter Berbegal et Monte Rog, cum totis terminis quos abet, ut abeat et possideat eum Alaonensis ecclesia francha et ingenua salva fidelitate Regis Aragonis. Et advenit michi de donacione Domini mei Regis Petri, mariti mei. Ego Berta Regina laudo et confirmo hoc donum, ac de manu mea facio hoc Ber+ta signum in carta. = Sig+num Belasc Fortunio testis. = Sig+num Galin Belasc testis. = Facta carta ista era M.C.LXIII. regnante Domino nostro Jhesu Christo et sub eius imperium Antefoso (Alfonso) cognato meo in Pampilona et in Aragone, in Superarvi et in Ripacurcia, me autem regnante in Murello et in Auvero et in Aierb, Sfortung Lobiç in Loar et in Boleia, Sforti Ortiç in Petra Seleç, Episcopus Domnus Raimundus in Barbastro, Episcopus Domnus Stephanus in Osca, Sancio Comite in Pampilona. = Ego Johannes per jussionem Dominae Berta Regina hanc cartam scripsi, et hoc signum + feci.

XXXIX. Charta donationis ecclesiae S. Bartholomei castelli de Calasanz monasterio Alaonensi, facta a Pedro Aragonum Rege: an. MCIV. (1104)

XXXIX.

Charta donationis ecclesiae S. Bartholomei castelli de Calasanz monasterio Alaonensi, facta a Pedro Aragonum Rege: an. MCIV. (1104) (Vid. pág. 125).

Ex arch. eccl. monast. Alaon. 

In Dei nomine. Amen. Ego Petrus Rex Aragon. in Dei laudem, Deiparaeque reberentiam facimus hanc cartam elemosinariam tibi Benerabili Arnaldo Abbati aliisque monachis in tua societate Deo serbientibus in monasterio Alaoni, de ecclesia Sancti Bartholomei in ipso castello loci de Calasanz nuper a me edificatam perpetuo possidendam, cum parte decimarum et aliorum jurium plenitudine, ut pro cursu vitae vestrae successorumque vestrorum celebretis, gratiasque Deo agatis pro tantis mihi bonis concessis, maxime in expugnatione loci et castelli de Calasanz, quod adjuvante Deo Diboque Bartholomeo cepimus die XXIII mensis augusti, anno Domini M.C.II. (1102) Quod si ego aut aliquis ex propinquis meis vel personis … ista carta elemosinaria in duplum componat, insuper ira incurrat per eum, et de liminibus Sanctorum extraneus eficiat, et cum Juda Escariot partem accipiant. Facta hac carta die XIX mensis junii anno regni nostri X. M.C.IIII. eam manu propria subsignamus et anuli nostri impressione signari jussimus. = Sig+num Petri gloriosi Regis. = Sig+num Altonis, secretarii praestantissimi Regis Petri Primi, qui hanc cartam signari et firmari jussit.

XXXVIII. Donatio ecclesiae de Siurana ab Episcopo Caesaraugustano facta monasterio Sanctae Mariae Alaonis: an. M.L.XXVII. (1077)

XXXVIII.

Donatio ecclesiae de Siurana ab Episcopo Caesaraugustano facta monasterio Sanctae Mariae Alaonis: an. M.L.XXVII. (1077) (Vid. pág. 125). 

Ex autogr. in arch. monast. Alaonen. 

In nomine Domini: ego Julianus gratia Dei Episcopus Caesaraugustae Sedis gratis animis et bona voluntate dono et concedo ecclesiam Sanctae Mariae de Siurana tibi Bernardo, Abbati Alaonensi et successoribus tuis et ecclesiae tibi comissae Sanctae Mariae Alaonis, ut habeatis et possideatis eam libere perpetuo jure. Quae ecclesia olim edificata et constructa esse peribetur a quodam Domino Rouvano, quia ibi sanata filia eius a gravi infirmitate qua tenebatur, contulit hereditatem possidendam huic ecclesiae supra dictae intra terminos Gavase vel Peralte quae modo possidere videtur. Nunc nos praedictam hereditatem vel possessionem huic ecclesiae praedictae vel ibi Deo servientibus et tibi Bernardo Abbati et succesoribus tuis possidendam stabilimus perpetue. Set quia modo destructa esse videtur, et combusta a Sarracenis invenitur, condolemus huius destruccionis. Sic trado eam tibi Bernardo et successoribus tuis perpetuo possidendam, ut rehedificetur monastico ordini quia est intra episcopatum nostrum, et sub curam nostrae religionis. Actum est hoc, et haec descripcio facta est in secundo anno post consecrationem Sancti Michaelis de Gauase (Gavase, Gavás o Gabás), et Sancti Martini de Nercha sub era M.C.XV. = Sig+num Saturnini praesbiteri. = Sig+num Dominici, fratris eius. = Sig+num Johannis, praesbiteri de Gavase. = Sig+num Pasqual, fratris Romani. = Sig+num Petri Romani filiis Bagim. = Sig+num Habib, praesbiter et Judex de Nercca (Nercha más arriba). = Sig+num Cipriani. = Sig+num Cidel. = Sig+num Ferriol quorum praecibus haec donacio facta est. = Ego Julianus Episcopus confirmo et laudo hoc donum et hoc signum + pono. = Gotmen, praesbiter et scriba jussu Juliani Episcopi hanc cartam scripsit, et hoc signum + fecit.