LII. Bulla Alexandri III in favorem ecclesiae Barcinonensis.

LII.

Bulla Alexandri III in favorem ecclesiae Barcinonensis (Vid. pág. 194.)

Ex arch. eccl. Barcin., lib. 1.°, Antiquit. fol. 19.

Alexander Episcopus Servus Servorum Dei venerabili Fratri Guillelmo, Barchinonensis ecclesiae Episcopo, eiusque successoribus canonice substituendis in perpetuum. In eminenti Apostolicae Sedis specula, divina disponente clementia, constituti, fratres nostros Episcopos, et illos praecipue, qui honestate atque bonis moribus pollere noscuntur, debemus ampliori caritatis affectu diligere, et commissas sibi ecclesias attentius confovere; ut tanto diligentius injunctum sibi ministerium peragere studeant, quanto se cognoverint apud Romanam ecclesiam maiorem gratiam invenisse. Ea propter, venerabilis in Christo Frater Guillelme Episcope, tuis justis postulationibus clementer annuimus, et ad exemplar praedecessoris nostri sanctae recordationis, Paschalis Papae praefatam ecclesiam, cui auctore Deo praeesse dinosceris, sub Beati Petri et nostra protectione suscipimus, et praesentis scripti privilegio communimus. Statuentes ut quascumque possesiones, quaecumque bona eadem ecclesia in praesentiarum juste et canonice possidet, aut in futurum concessione Pontificum, largitione Regum vel Principum, oblatione fidelium, seu aliis justis modis, praestante Domino, poterit adipisci, firma tibi tuisque successoribus illibata permaneant. In quibus haec propriis duximus exprimenda vocabulis. Quidquid infra subscriptos fines continetur, salvis aliarum ecclesiarum privilegiis, tibi tuisque successoribus episcopali jure regendum ac disponendum perpetuo maneat. Quod (abs dubio Qui)

(error de imprenta en la página 325, pone 225)

fines hiis terminis annotantur; scilicet a loco Ariae, ubi Sancti Martini de Arenariis ecclesia dicitur, et sicut a Monte Nigro transit ad aquam de Breda, et ascendit usque ad cacumen Montis signi, et a cacumine Montis signi sicut tendit ad collem Frumigii, inde per declivum montis de Tagamanent descendit per medium congustum ad Fagam ultra montanna castri de Galifa, et castrum de Petra per verticem Montis Serrati, et protendit per terminum Montis Bovini usque ad castrum de Charalt, et inde vadit ultra terminos de Pontibus per Barberan usque ad aliam, et a terminis Tamariti descendit in mare. Infra quos fines est castellum de Barberan cum suis pertinentiis, castellum super flumen Lubricati (río Llobregat), quod dicitur Perale, cum suis pertinentiis, castellum de Lauro cum suis pertinentiis, castellum de Ripis cum suis pertinentiis, castellum de Cigis (Sitges) cum suis pertinentiis, castellum de Granata cum suis pertinentiis, castellum de Bagneriis cum suis pertinentiis, castellum de Monte Mazello cum suis pertinentiis. In jure etiam praefatae ecclesiae confirmamus intra maris spatium insulas duas Maioricam et Minoricam, sicut antiquis temporibus eandem ecclesiam constat tenuisse. Ad haec addicimus ut castellum de Regumir et turres quae dicuntur Archidiaconales, cum portis duabus eiusdem civitatis: palatium episcopale cum turribus quae palatio Comitis contiguae videntur: redditus de foro et monetae in tua tuorumque successorum potestate ac dispositione permaneant, sicut praeteritis temporibus mansisse noscuntur. Decernimus ergo ut nulli omnino hominum liceat praefatam ecclesiam temere perturbare, etc. Si qua igitur in futurum ecclesiastica saecularisve persona hanc nostrae constitutionis paginam sciens contra eam etc. = Ego Alexander, Catholicae Ecclesiae Episcopus subscribo. = + Ego Hubaldus, Hostiensis Episcopus subscribo. = + Ego Bernardus, Portuensis et Sanctae Rufinae Episcopus subscribo. = + Ego Hubaldus, praesbyter et Cardinalis tit. Sanctae Crucis in Hierusalem subscribo. = + Ego Johannes, praesbyter Cardinalis Sanctorum Johannis et Pauli tit. Pamachii subscribo. = + Ego Jacintus, Diaconus Cardinalis Sanctae Mariae in Cosmydyn subscribo. = + Ego Arditio, Diaconus Cardinalis Sancti Theodori subscribo. = + Ego Cinthyus, Diaconus Cardinalis Sancti Adriani subscribo. = + Ego Hugo, Diaconus Cardinalis Sancti Eustachii juxta templum Agrippae subscribo. = + Ego Vitellus, Diaconus Cardinalis Sanctorum Sergii et Bachi subscribo. = Ego Boso, praesbiter Cardinalis Sanctae Pudentianae tit. Pastoris subscribo. = Datum Beneventi per manum Gerardi, Sanctae Romanae ecclesiae notarii VI. kalendas junii, indictione II., Incarnationis Dominicae anno M.C.LXIX. pontificatus vero Domini Alexandri Papae III. anno X.

LI. Testamentum D. Arnalli Ermengaudi, Barcinonensis Episcopi mense decembri MCXLII. (1142)

LI.

Testamentum D. Arnalli Ermengaudi, Barcinonensis Episcopi mense decembri MCXLII. (1142) (Vid. pág. 188.)

Ex lib. I. Antiquit. eccl. Barcin. núm. 534.

Quoniam debitum humanae conditionis nullus mortalium evadere potest, idcirco in Dei nomine ego Arnallus Dei dignatione Barchinonensis ecclesiae Episcopus, cupiens pergere Jerosolimam facio meum testamentum, in quo eligo manumissores meos Berengarium Ermengaudi, et Guillermum Bermundi, et Gaucefredum de Fobe (a: Infra in hoc eadem instrumento, et in decreto electionis eiusdem D. Arnaldi, Barchinonensis Episcopis an. 1139. vocatur Gaucefredus de Fare; unde hic scribentium mendum agnoscere debemus.), quibus caritative praecipio, ut si mori me contigerit antequam alium testamentum faciam, plenariam potestatem habeant distribuendi omnes facultates meas, sicut eis in hoc testamento injunxero. Primum namque concedo Domino Deo et canonicae Sanctae Crucis Sanctaeque Eulaliae vineam meam quam plantavi in alodio Sanctae Crucis Sanctaeque Eulaliae, et in mea compra; quae vinea est juxta mansum de provintialibus, et meum campum quem habeo juxta regum comitalem super viam publicam, in quo edificavi furnum de calce; et vineam, quam habeo plantatam apud Granatam, cum illo campo, qui fuit Fulconis Guiriberti, quem emi a Comite. Huic donationi addo ferregenalem (freginal), quod adquisivi et emi ab Arberto de Lizano et Petro eius fratre prope mansum Guillermi Sunniarii in provintialibus. Concedo altari Sanctae Eulaliae in omni meo alodio de Orta et Romaneto sextarium I. olei annuatim de quo ardeat una lampada ante corpus Beatae Eulaliae jugiter ad mensuram videlicet de Orta. Concedo iterum Sanctae Cruci et Sanctae Eulaliae in meis mobilibus et vasculis maioribus et minoribus L. morabatinos, de quibus ematur alodium ad illuminandam unam lampadam, et meos libros, qui in eadem ecclesia sunt, bibliothecam quam feci scribere et alios. Concedo hospitali Jherosolimitano meum mansum de provintialibus, quae ab ipsis fundamentis edificavi, simul cum ecclesia Sancti Nicolai, quae intus est, simulque cum compris quas feci a Berengario Bernardi de Cabannis, et ab Arnallo Bonefilii, praeter ipsum ferragenal (freginal), quem habui ab Arberto de Lizano et eius fratre; ea conditione, ut eundem mansum, sicut supra comprehendi teneat et habebat Poncius frater meus in omni vita sua, et persolvat annuatim de omnibus fructibus, qui inde exierint, tascam hospitali sine contrarietate, et post eius obitum libere et quiete et absque ullo retentu revertatur praedictus mansus integriter praedicto hospitali jure perpetuo possidendus et habendus. Concedo coenobio Sancti Cucuphatis campum quem emi de filiabus Arnalli Gonterii et de Raymundo Petri Gerundae, qui est in provintialibus, et unum par bovum, et equas IIII. quae sunt apud Rivumpullum (Ripoll). Item concedo coenobio Sancti Petri Puellarum ipsam tertiam partem pariliatae, quam emi de Arberto de Lizano, et dimitto praelibatae canonice L. morabatinos quos habeo per meum pignus in praefata pariliata de Lizano, et mando ut de illis L. morabatinis ematur alodium de quo annuatim fiat meum anniversarium. Insuper etiam addo jam dicto coenobio Beati Petri par unum bovum, et equas II. quae sunt apud Rivumpullum. Concedo coenobio Sanctae Mariae de Rivopullo duas equas. Concedo omnibus presbyteris totius episcopatus singulis singulas eminas ordei de meo sementerio, et diachonibus singulas migerias. Concedo coenobio Sancti Laurentii de Monte equam unam. Meum alodium de Orta et de Romaneto cum omnibus in se habentibus, praeter supra dictam lampadam Sanctae Crucis Sanctaeque Eulaliae concedo inter Poncium fratrem meum, et Berengarium de Terracona, et quisquis illorum obierit sine ligittimo infante, ille qui superstes fuerit, habeat praedictum alodium. Concedo eisdem fratribus meis Pontio et Berengario domos meas de Barchinona cum ipsa parte canonicae, ut teneant eas, et habeant in omni vita sua, de quibus persolvant annuatim praefatae canonicae per censum quarterium unum olei in capite jejunii, et post illorum amborum obitum revertantur praedictae canonicae sine ullo obstaculo. Alias nostras domos quas emi de Gerallo, concedo Sanctae Mariae Solsonae, sicut ei eas jam donavi per cartam donationis. Concedo Pontio fratri meo equas III. et si ipse obiret sine prole legittima, habeat eas Berengarius frater meus, et dimitto praedicto Berengario meum pullum quem ipse tenet, et meum mulum. Concedo Gaucefredo de Fare duas equas quas Burrullus de provintialibus habet mecum, et unam aliam equam cum suo fructu, quam cum Petro, Capud scolae habeo ad medium, meum videlicet dilectum. Pontio Aurencianae concedo unam equam, quam habeo ad Balneam socham ad medium. Dimitto nepotibus meis Bernardo, et Raymundo quos nutrivi, singulos pullinos, qui exeant de meis equabus, et XX. morabatinos qui exeant de meo cavallo, quem tenet Gaucefredus de Fare. Concedo Guillermo Beremundi duas equas, quas habeo cum Petro Berengarii de Maginano ad medium meum directum. Aliud nutrimentum non supra textatum, quod de meis equabus exierit, donent mei manumissores pro anima mea, sicut melius viderint. Concedo altari Sancti Nicolai, quod est in ecclesia Barchinonae, domos meas cum edificio, quas habeo infra muros Barchinonae, illas videlicet, quas emi de Janto Ebreo; quas vero domos teneat unus presbyter, qui in eodem altari assidue cantet missam pro anima mea, et fidelium defunctorum. Omnia vascula mea de provintialibus maiora et minora, et universa utensilia quae ibi sunt, concedo Pontio fratri meo, ut habeat ea in vita sua, et post eius obitum revertantur praelibato hospitali sine contrarietate. Quod est actum XI. kalendas januarii, anno VI. Lodoyci Junioris. = Arnallus Barchinon. Episcopus. = Sig+num Guillermi. = Sig+num Gaucefredi de Fare. = Pontius Levita scripsit hoc die et anno + quo supra (a: Hoc testamentum juxta iuris formam lectum est VII. idus novembris anno VII. Regis Ludovici Junioris (1143) (quae publicatio extat lib. I. Antiquit. eccl. Barcin. fol. 237.); indeque constat Arnallum testatorem iter suum versus Jerosolimam arripuisse anno 1143, ineunte, sed votum suum explere nequivisse. Deinde, inquit, vadens versus Jerosolimam, apud Romam discessit ab hoc saeculo in mense martii, anno praescripto.)

L. Charta consecrationis ecclesiae Sancti Juliani de Alfoz, an. MCXLII. (1142)

L.

Charta consecrationis ecclesiae Sancti Juliani de Alfoz, an. MCXLII. (1142) (Vid. pág. 188.)

Ex arch. eccl. Vicens. in scrin. 31. Thesaur. núm. I.

Anno Dominice Incorporationis M.C.XLII. kalendas decembris comuni utilitati providentes, venerabilis Arnallus Dei nutu Barchinonensis Episcopus et Raymundus Episcopus Ausonensis et canonicorum conventus inferius annotatus cum non parvo populorum concurso sollempniter convenerunt ad consecrandum domum Dei in honore S. Juliani Martiris in comitatu Barchinone in loco nuncupatu Alfoz. Die siquidem consecrationis confirmaverunt predictae ecclesiae quicquid possessionum habebat vel habere debebat ubique locorum, terras videlicet et vineas cum domibus et arboribus, decimas et primitias vel oblationes fidelium que sui juris sunt atque cimiterium ipsi ecclesiae undique XXX. ecclesiasticorum passuum confirmaverunt et quicquid in eodem spatio continet, quod Petrus Raymundi et Raymundus fratris ibidem habebant, sub ecclesiastica defensione posuerunt, scilicet quod eorum est vel esse debet, pro quo persolvent annuatim ipsi vel sui in festivitate S. Juliani clerico eandem ecclesia cantanti par unum gallinarum, atque temerarie inde aliquid auferentem vel invadentem ut reum sacrilegii omnino condempnavere donec canonice satisfaceret. Constituerunt quoque ut ipsa ecclesia a Barchinonensi Sede crisma acciperet, eidemque Sedi per censum annualiter inter duas sinodos XXXIIII. denarios monetae curribilis persolveret. Habet namque affrontationes jam dicta ecclesia unde accipit decimas et primitias, ab oriente in termino ville Maioriset in podio Trueri et descendit per cumbam vallium et in Serra ante Fersas et ad ilicem rotundam pergens ac podium Calvum et descendens per podium Coscollarie usque ad Fontanellas et per media serra de Bellovidere usque ad Bocherons. A meridie ab ipsis Bocherons vadit ad ipsam turrem, et ad cavos Ermesenne. Ab occidente ab ipsa Ermesenna vadit per fevum de Bello loco ad torrentem Sicus, et in termino Caritituli ultra stagnum, et venit ad gurgitem Sabatelli, et in prato Caritituli, et tendit per viam que vadit Mulnels subtus Fuimas, et in rego de cumba Mulnels usque ad ipsas planas, et in termino de Mulnels usque ad petram foradatam. A circio a petra foratata usque ad Torrezolam et in capite de vallo prati de Brugeriis et ad Petras Tonnentes. Alodia autem sepe dicte ecclesiae hec sunt petia una alodii que est juxta ecclesiam ubi sunt domus clerici cum sua decima et primitia in qua vicarius nichil penitus habet, et ad podium Triteri pecie due proprie cum X. et primitia, et ad gurgitem Gabatelli (Sabatelli más arriba) unam longam petiam alodie que vadit ultra viam que vadit ad merchatum et ven de Villamaiori, et peciola una alodii ad Carumtitulum prope domum Guillelmi Arnalli. Item prelibatus Petrus Raymundi et Raymundus fratres ob remedium animarum suarum et parentum suorum donant et offerunt eidem ecclesiae peciam unam alodii subtus silvam seminatam in parroechia Caritituli que terminatur in alodio Bernardi Senioli ab oriente, et meridie in via que venit de Alfoz et vadit ad Carumtitulum, ab occidente in strata publica, a circi in via que venit de Alfoz et vadit ad Mulnes. Quantum infra prescriptos terminos Barchinonensis ecclesia et canonici eiusdem et cenobia vel cesere ecclesiae habent vel habere debent nec damus nec consignamus, sed ad opus nostrum et illorum quorum sunt, retinemus. Ut autem prescripta ecclesia libertate plena gauderet, constituerunt ut libere que sui iuris sunt vel erunt possideret. Et ut nulla ecclesiastica secularisve persona eam suis rebus expoliare vel invadere presumat sub anathematis interpositione prohibuerunt cunctisque ei iuxta servantibus et benefacientibus absolutionem pecatorum per Dei gratiam promiserunt. Actum est hoc die et anno prefixo. = Arnallus Dei gratia Barchinonensis Episcopus. + = 

+ Raymundus Dei gratia Ausonensis Episcopus. = Sig+num Bernardi. = Sig+num Mironi presbiteri. = Sig+num Raymundi Alfoci (como Alfoz). = Guillelmus, Prior ecclesiae Stagni. + = Sig+num Guillelmi Rodlandi. = Sig+num Petri Raymundi Alfoz. = Sig+num Ermengaudi de Rifano. = Sig+num Guillelmi Arnalli Torrentis. = Sig+num Udalgerii. = Sig+num Ermengaudi de Fronte. = Sig+num Raymundi Mironi. = Sig+num Bruno. = Sig+num Petri Guadalli. = Sig+num Johanni Enolfi. = Sig+num Petlauno. = Sig+num Ferrario. = Sig+num Arnallus presbiter. = Sig+num Guillelmi de Sancto Christoforo. = Sig+num Geralle uxoris eius nos qui mittimus domos nostras quas habemus in ipsa sacraria S. Juliani de Alfoz sub jure et defensione eiusdem sacrarie et cimiterii predictae ecclesiae et nos et nostri successores reddamus censum annuatim gallinam I. presbiteris eiusdem ecclesiae in festo S. Juliani. = Petrus levita scripsit hec cum litteris suppositis in linea VIII. die et anno + quo supra.

//

Lahoz