XXV. Carta censualis pro monasterio Vallis Laureae, an. MCLVI. (1156)

XXV.

Carta censualis pro monasterio Vallis Laureae, an. MCLVI. (1156) (Vid. pág. 135.)

Ex arch. monast. SS. Crucum.

Sit notum omnibus hominibus qualiter ego Girardus Abbas S. Mariae Vallis Laureae et Guillelmus, frater de Monte pessulano, omnisque conventus Vallis Laureae donamus tibi Bertrando de Tolosa et uxori tuae Jordanae, filiisque vestris omnique vestrae progeniei atque posteritati Almuniam de Cherta cum omnibus suis diversi generis arboribus, et cum omnibus suis pertinentiis et cum omnibus ingressibus, egressibusque suis et cum omnibus suis ad se pertinentibus aquis. Tali modo ut habeatis et teneatis atque possideatis et expletetis eam potenter et integriter per cuncta saecula, ita quod donetis nobis et omnibus successoribus nostris et omnes quicumque eam post vos habuerint, V cantaros olei annuatim in Natale Domini per censum; possitisque facere ex ea totas vestras voluntates complidament salvo isto supra nominato censu, sine ulla contradictione nostra. Si quis hoc violare praesumpserit nil valeat, sed in duplo componat, et insuper hoc firmum omni tempore permaneat. Factum est V. kalendas junii anno Domini M.C.LVI. = Sig+num Gerardi, Abbatis Sanctae Mariae Vallis Laureae. = Sig+num Guillelmi fratris de Monte pessulano. = Ego Gaufredus Dertusensis Episcopus. = Sig+num Guillelmi Raymundi Dapiferi. = Sig+num Guillermi de Copons. = Sig+ num Guillermi de Castrovetulo. = Sig+num Petri de Sancto Minato. = Sig+num Natalis qui hoc scripsit die et anno praenotato.

XXIV. Guillelmi de Montecatheno donatio ad S. Mariam et monasterium Vallis Laureae. an. MCLIV. (1154)

XXIV.

Guillelmi de Montecatheno donatio ad S. Mariam et monasterium Vallis Laureae. an. MCLIV. (1154) (Vid. pág. 135).

Ex arch. mon. SS. Crucum.

Ad notitiam cunctorum hominum tam praesentium quam etiam futurorum perveniat qualiter ego Willelmus Raymundi Dapifer una cum filiis meis videlicet Willelmus de Monte scatani, et Raymundus de Monte scatani, et Berengarius de Monte scatani damus Domino Deo et Sanctae Mariae Vallis Laureae, et Willelmo, Abbati ejusdem loci ex omnibus monachis tam praesentibus quam etiam futuris ibidem Deo servientibus illum nostrum molendinum cum suo rego et caput rego et ipsum resclosar et cum omni suo edificio quod habemus in parrochia Sancti Martini de Cerdanola ad rivem majorem, quod nos habemus perescamis (creo que significa: por cambio; permuta; escambio, excambi, excanvi) de uno manso quod donavimus Berengario de Saltels, qui hedificavit supra dictum molendinum, et de nostro jure et dominio in jus et dominium Sanctae Mariae Vallis Laureae tradimus dominium et potestatem supra dictum molendinum cum omni integritate per proprium et francum alodium. Si quis hoc disrumpere voluerit supra dicta omnia in duplo componat et insuper hoc donum perhenniter maneat firmum. Actum est hoc III. nonas julii anno XVII regni Regis Lodoici Junioris. = Sig+num Willelmi Raymundi Dapiferis. = Sig+num Willelmi de Monte scatani. = Sig+num Raymundi de Monte scatani. = Sig+num Berengarii de Monte scatani. Nos qui hoc laudamus et firmamus et testes firmare rogamus. = = Sig+num Willelmi de Castro Vetuli. = Sig+num Raymundi de Cerdanola. = Sig+num Berengarii de Saltels Bajuli. = Sig+num Bernardi de duobus rivis. = Sig+num Arnaldi, diachoni qui hoc scripsit die et anno quo supra.

XXIII. Nova Guill. de Monte catheno donatio in favorem monasterii Vallis Laureae, an. MCLII. (1152)

XXIII.

Nova Guill. de Monte catheno (: Moncada) donatio in favorem monasterii Vallis Laureae, an. MCLII. (1152) (Vid. pág. 135.)

Ex arch. mon. SS. Crucum.

Haec est carta rememoracionis qualiter Willermus Raymundi Dapifer bona voluntate ac bono animo promisit Abbati Grandis Silvae, et Willermo de Monte Pessulano, et fratribus habitatoribus monasterii Stae Mariae de Valle Laurea dare per unumquemque annum C. morabatinos in auro donec sit factum predictum monasterium Stae. Mariae de Valle Laurea. Et insuper promisit dare Abbati et fratribus ejusdem monasterii habitantibus per unumquemque annum D. quarteras boni et nitidi ordei a festivitate Sti. Johannis Baptae. (Baptistae) usque ad festivitatem Sti. Felicis, quae celebratur in kal. augusti, et quod praedicti fratres ejusdem habitatores habeant CC. quarteras ex supra dicto ordeo in suis molendinis de Monte scatani, et C. quarteras ordei in dominicaturis S. Martialis, et C. quarteras in dominicaturis de Sto. Minato, et C. quarteras in dominicaturis de Vacarices. Et insuper promisit praedictis fratribus ejusdem D. C. caficios (cahices; cafissos, cafiços) de bono vino et puro in suis dominicaturis in tempore vindemiarum per unumquemque annum. Hunc vero supra dictum ordeum et vinum dare per unumquemque annum, sicut dictum est superius, promisit, donec supra dictum monasterium Sanctae Mariae de Valle Laura per suosmedipsos labores sufficienter possit vivere. Similiter promisit supradictis fratribus ejusdem X. vacas. Et praecepit bajulis suis, qui tenent supra dictas dominicaturas, dare hoc totum sicut scriptum est superius praedictis fratribus ejusdem. Et ego Willelmus Raymundi Dapifer, ut scriptum est superius, bono animo ac bona voluntate convenio Abbati Grandis Silve et Willelmo de Monte Pessulano et cunctis fratribus Sanctae Mariae de Valle Laurea habitatoribus; hoc totum sicut scriptum est attendere et complere sine malo ingenio. Et de toto hoc, sicut scriptum est superius, dono vobis supra dictis fidejussores; videlicet Otho Senescale, fratrem meum et Petrum Bertrandi de Bello Loco, et Bernardum de Bello Loco, fratrem ejus, et Willelmum de Castro Vetuli, qui haec omnia supra dicta faciant attendere et complere, et supra dicto monasterio et fratribus ejusdem habitatoribus per bonam fidem sine malo ingenio. Actum est hoc XVII kalendas januarii an. ab Incarnatione Dni. MCLII.  = Sig+num Willelmi Raymundi Dapiferi qui hoc laudo et firmo et testes firmare rogo. = Sig+num Otho Dapiferis. = Sig+num Petri Bertrandi de Bello Loco. = Sig+num Bernardi de Bello Loco. = Sig+num Willelmi de Castro Vetuli. = Nos qui haec sicut dictum est promittimus attendere et complere, si Willelmus Raymundi Dapifer non fecerit. = Sig+num Bernardum Magistri Bajuli. = Sig+num Berengarii de Saltels Bajuli. = Sig+num Arnalli de Romaneda Bajuli. = Sig+num Porcelli de Vacarices Bajuli. = Sig+num Berengarii de Mogoda. = Sig+num Willelmi de Monte scatani, filius ejus. = Sig+num Raymundi de Monte scatani. = Sig+num Berengarii de Monte scatani, nos ambo filii ejus. = Sig+num Petri de Sancto Minati. (: Minato, Minati : Menat : Sentmenat) = Petrus Sacrista subscribo.