XXVII. Charta donationis Ermemiri vicecomitis Cardonae ad idem monasterium, anno DCCCCLXXXVII.

XXVII. 

Charta donationis Ermemiri vicecomitis Cardonae ad idem monasterium, anno DCCCCLXXXVII. (987) (V. pág. 134.) 

Ex autogr. in arch. eiusdem mon. 

Era millesima XX.a V.a, anno incarnationis Dñi nri Ihu Xpi DCCCC.° LXXX.° VII.°, Deo auxiliante venit Ermemirus vicecomes in monasterio Sancte Marie Serratexensis, cum comilitonibus suis, id sunt, Ennego que vocant Bonefilio, et Bonucio, et Jozfredus frater Borrello comes, et aliorum multorum qui cum eo erant, in II.° anno ordinationis sue, quam ordinatus fuit a dompno Borrello comite, vicecomite Cardone; et invenit ibi abbatem nomine Nimbla, cum suis monacis, id sunt, Blandinus monachus et prior, et Senteldus monachus, et Geldemirus monachus, et Guadamirus monachus, et Wiliemundus monachus, et Seniofredus prepositus, et aliorum multorum monachorum, et clericorum, hac laicorum; et petierunt ab eo ut helemosinam ad iam dictum monasterium, quam hedificavit Guifredus comes bone memorie, sicuti et fecit tali modo. In Dei omnipotentis nomine: ego Ermemirus, gratiâ Dei vicecomes, dono ad prelibatum cenobium Sancte Dei genitricis Marie omnibus annis iam semper per unamquamque ebdomadam duas somatas de sale; et sit acceptum hunc salem deferia V.a, usque ad vesperum Sabbati. Hanc donationem facio bono animo, et propter remedium anime meae, ad monasterium Sancte Marie Serratexensis in manu abbatis Nimbla nomine, et in presencia multorum nobilium hominum. Et qui hanc donationem, quam facio pro anima mea, auferre vel rapere voluerit, in quadruplum componat prefatum salem ad ipsum monasterium Sancte Marie, et abitatoribus ipsius loci. Et insuper ad ipsum hominem, qui hoc fregerit, omnem meum peccatum impono, et sit cum Iuda traditore pars et socius in perpetuum. Acta ista helemosina donationis VIII. Kal. Aprilis, anno I.° regnante Ugo rege. Sig+num Ermemirus gratiâ Dei vicescomes, qui hanc helemosinam largicionis iussit scribere, et ad testibus firmare mandavit, et cum propria sua manu firmavit. = Sig+num Ennego, que vocant Bonofilio. = Sig+num Bonucio. = Sig+num Jozcefredus frater Borrello comes. = Ermegellus sacer et iudex SS. =  Wiliemundus monachus, qui hanc kartam helemosinam donationis scripsit et subSS. die et anno. = Sig+num G. viscechomes (vicecomes, vizconde) qui fuit filii R. Fulchonis + et Geralda uxoris sua.