XXXVI. Alexandri III. rescriptum in favorem novae monasterii Vallis Laureae ad SS. Cruces translationis

XXXVI.

Alexandri III. rescriptum in favorem novae monasterii Vallis Laureae ad SS. Cruces translationis, ut ei lis orta inter Archiepiep. Tarracon. et Episc. Barchinon. non obsistat, an. MCLX. (1160) (Vid. pág. 137.) 

Ex arch. eod. 

Alexander Episcopus servus servorum Dei. Dilectis filiis P. Abbati et fratribus Vallis Laureae salutem et Apostolicam benedictionem. Ex litteris dilecti filii nostri A. Cistercien. Abbatis et nuntii vestri relatione dicidimus quod cum angustia et importunitas loci vestri ad locum alium compellerent vos migrare, venerabilis frater noster Barchinonensis Episcopus in fine sui episcopatus fundum quendam vobis amore divinitatis indulsit, ubi tabernacula vestra figere deberetis. Hoc cum facere coepissetis, venerabilis frater noster Hu. Tarragon. Archiepus. auctoritatem suam opposuit, eundem locum ad suam asserens dioecesim pertinere. Unde nos quia contradictio ejus a vestro proposito vos traxit in loco vestro incommoditates plurimas sustinere compellit, utrique illorum per scripta nostra mandamus, quatinus usque ad festum Assumptionis huic quaestioni concordia vel judicio finem imponat, ut vos sub ejus obstaculo non debeatis ulterius concessi beneficii utilitate fraudari. Si ergo negotium istud usque ad illum terminum non fuerit terminatum, ex tunc in habitandi locum sine praejudicio partium auctoritate nostra licentiam habeatis. Datum Benevent. II. idus aprilis.

XXXV. Donatio territorii SS. Crucum facta monasterio Vallis Laureae, an. MCLVIII. (1158)

XXXV.  

Donatio territorii SS. Crucum facta monasterio Vallis Laureae, an. MCLVIII. (1158) (Vid. pág. 136.)

Ex arch. monast. SS. Crucum, thec. 19. plut. 1.

Hic et in aeternum sit cunctis hoc manifestum, quod ego Geraldus Alaman et uxor mea Saurina et filii mei Geraldus et Hugo, et ego Geraldus de Jorba et uxor mea Saurina et filius meus Petrus de Caras, et ego Guillelmus de Monteagud et mater mea Guyla et uxor mea Berengaria et omnes fratres mei, Bernardus de Monteagud et Petrus de Monteclar, Raymundus et Geraldus, ad honorem Dei, qui honorantes se honorat, in remissionem peccatorum nostrorum et salutem animarum nostrarum, damus et concedimus Deo et S. Mariae Vallis Laureae et Petro Abbati et omnibus fratribus ibidem Deo servientibus, tam praesentibus quam futuris, ipsam terram de Santas Creus, cum omnibus terminis et pertinentiis eius, cum ingressibus et egressibus suis, cum pratis, pascuis et aquis cum viaductibus et reductibus, cum cultis et heremis, cum omnibus infra suos terminos existentibus, vel ad se qualicumque modo pertinentibus, cum decimis et primitiis, ut libere et quiete habeant et possideant ad omnem voluntatem eorum faciendam per saecula cuncta. 

A parte meridiana terminatur terra ista in torrente de Rubio, qui descendit in Gaya. A parte orientali terminatur in torrente, qui est subtus S. Petrum de Gaya et ascendit usque in viam quae venit del Col de Cabra et pergit a Celma. A parte occidentali terminatur usque in Cabra. Et si quis in posterum praesentem donationem disrumpere vel violare temptaverit, nihil proficiat, sed dupla compositione soluta iram Dei incurrat; et haec donationis scriptura firmiter et pereniter maneat. Quae facta est VII. kal. februarii anno al Incarnatione Domini M.C.LVIII. regnante Rege Francorum Ludovico. = Sig+num Gerardi Alamandi. = Sig+num Geraldi de Jorba. = Sig+num Willelmi de Monteagud. = Sig+num Bernardi de Monteagut. = Sig+num Petri de Montclar. = Sig+num Raymundi de Montagut. = Sig+num Geraldi de Montagut. = Sig+num Guillelmi Raymundi. = Sig+num Raymundi de Podioalto. = Sig+num Hugo de Cervillione. = Sig+num Petri Berengarii de Villafranca.

XXXIV. Donatio Raymundi, Comitis Barchinonae de spelunca de Ancosa

XXXIV.

Donatio Raymundi, Comitis Barchinonae de spelunca de Ancosa facta monasterio Vallis Laureae quod modo est Sanctarum Crucum, an. MCLIII. (Vid. pág. 135.)

Ex arch. monast. Sanctar. Crucum.

Hic et in aeternum sic cunctis hoc manifestum, quoniam ego Raymundus, Comes Barchinonensis, regnique Princeps Aragonensis et Marchio, ad honorem Dei, qui honorantes se honorat, in remissione peccatorum meorum et salute animae meae dono et trado Omnipotenti Deo et Sanctae Mariae Vallis Laurae se ipsam speluncam de Ancosa cum omnibus terminis et pertinentiis ejus, cum ingressibus et egressibus suis, cum pratis, pasquis et aquis, cum nemoribus et sylvis cum vie dictibus (: ductibus) et reductibus, cum cultis et eremis cum omnibus intra suos terminos existentibus, vel ad se qualicumque modo pertinentibus. Et de meo jure et potestate trado et transfero jam dictam speluncam cum omnibus tenuicionibus et pertinentiis ejus in jus et dominium Beatae Mariae Vallis Laureae et omnium fratrum, tam praesentium quam futurorum inibi Deo servientium, ad habendum propria hereditate atque tenendum jureque perpetuo possidendum: in manu videlicet Domini Alexandri, Abbatis Grandis Sylvae, et venerabilis Ugonis, Abbatis Vallis Laureae, ac viri religiosi Guillelmi Montis Pesulani, in praesentia bonorum hominum, Bernard scilicet, illustris Tarraconensis Archiepiscopi, et venerabilium Episcoporum Barchinonensis et Dertusensis, et aliorum quamplurium (: quamplurimum) virorum nobilium pariter assistentium. Et si quis in posterum praesentem donationem disrumpere vel violare temptaverit, nichil proficiat, sed dupla compositione soluta iram Dei incurrat, et haec donationis scriptura firmiter perhenniter maneat. Quae facta est tertio idus julii anno ab Incarnatione Domini M.C. LIII, regnique Ledovici Junioris anno decimo octavo. = Sig+num Raymundi, Comitis. = Sig+num Bernardi, Tarraconensis Archiepiscopi. = Sig+num Guillelmi, Barcinonae Episcopi. = Sig+num Gaufredi, Dertusensis Episcopi. = Sig+num Guillelmi Raimundi Dapiferi. = Sig+num Guillelmi de Castrovetulo. = Sig+num Guillelmi Sancti Martini. = Sig+num Bernardi de Belloloco. = Sig+num Raymundi de Podio alto. = Sig+num Petri Bertrandi de Bellog (: Belloloco, Belloch). = Sig+num Arberti de Castellvell. = Sig+num Arnalli de Lersio (: Lercio). = Sig+num Berengari de Mulnel. (: Mulnells, Mulnels) = Sig+num Poncii qui hoc scripsit per mandatum Comitis.