XX. Decretum electionis Bernardi de Villamur in Episcopum Urgellensem, anno MCXCIX.

XX. 

Decretum electionis Bernardi de Villamur in Episcopum Urgellensem, anno MCXCIX. (Vid. pág. 68).

Ex arch. eccl. Tarracon. 

Sanctissimo Patri et Domino R. Dei dignatione Tarraconensi Archiepiscopo et universo eisdem conventui totus Urgellensis ecclesiae clerus et populus salutem et debite devotionis famulatum. Quoniam vestram non credimus latere discretionem, angustias, tribulationes, persecutiones rerum et posesionum (se pierden en 1199 mínimo las dos ss de possessionum, en algunos casos) amissiones, quas Urgellensis ecclesia hactenus sustinuit ob insuficientiam et desidiam B. quondam Episcopi, qui eandem ecclesiam desolatam et fere ad extremam exinanitionem deductam, fratribus insalutatis, et Domini Papae non expetita licentia, occulte dimissit, singulorum narrationi ad praesens supersedemus. Verum sanctitati vestrae notificandum duximus, quod adepta Domini Papae per Dei gratiam eligendi licentia, et dicti Episcopi renunciatione ab eodem recepta et confirmata, sicut per litteras suas jam vobis plene innotuit, communi voto atque totius cleri et populi consensu, invocata Spiritus Sancti gratia, elegimus novis in Pastorem et Rectorem B. Urgellen. Sacristam, virum utique prudentem, discretum, bene morigeratum, Deo et hominibus placentem, quem ad dignitatis vestrae celsitudinem mittere et praesentare curavimus; postulantes unanimiter, et obsecrantes a vestra sanctitate ipsum in Episcopum consecrari, quatenus, aucthore Deo, sicut idoneus Pastor clero et populo sibi commisso praesse valeat et prodesse. Ut autem omnium nostrum vota in hanc electionem convenire noscatis, praesens Decretum propris manibus subscribendo firmavimus. Quod est actum X. kalendas martii anno ab Incarnatione Domini M.C.LXXXXVIII. = Ego W. Prior subsc.° = Sig+num B. Archidiaconi de Sancta Fide (1). = Sig+num A. de Saga Archidiaconi. = Sig+num B. de Saga Abbatis. = Sig+num G. de Planedis Praecentoris. =  Sig+num G. de Ripellis Archidiaconi. = Sig+num Magistri Petri. =  Sig+num Georgii fratris eius. = Sig+num B. Nunonis. = Sig+num R. de Sancto Stephano. = Sig+num Magistri Bertrandi. = Sig+num Petri de Cantuno. = Sig+num K. de Montornes. = Sig+num Martini Capellani Sancti Petri. = Sig+num P. de Conezeto. = Sig+num B. de Stamarit. = Sig+num R. de Camilau. = Sig+num A. de Fost. = Sig+num B. de Argestus. = Sig+num Joannis de Villaruba (Villa rubea : Vila roja, Villarroja, Villarroya). = Sig+num G. de Claneto Prioris Guisson. = Ego P. de Josa Archidiaconus subs.° = Sig+num G. de Petra mola. = Sig+num R. de Tost Capellani Sedis. = Ego B. de Jular subs.° = Ego A. Operarius subs.° = Sig+num G. Sicart. = Sig+num B. Anacrensis subs.° libenter. = Sig+num R. Capellani Sancti Michaelis. = Sig+num A. Decani. = Sig+num A. Capellani de Camarasa. = Sig+num A. de Cavanellis. = Sig+num Guilaverti. = Sig+num G. de Claret. = Sig+num G. Saga. = Sig+num B. de Enveig. = Sig+num G. de S. Martino = Sig+num G. de Fost. = Sig+num G. de Pinos Decani. = Sig+num G. de Ripis (Ribes o Rives). 

(1) Infra ad ann. 1201 sic subscribit: Sign. B. de Sancta Fide Urgellensis Sacristae.

XIX. Arnaldi de Perexens Episcopi Urgellensis de rebus Celsonensis ecclesiae ad Alexandrum Papam III epistola data anno circiter MCLXXIV.

XIX. 

Arnaldi de Perexens Episcopi Urgellensis de rebus Celsonensis ecclesiae ad Alexandrum Papam III epistola data anno circiter MCLXXIV. (Vid. pág. 30). 

Ex arch. Eccl. Urgell. 

Sanctissimo Patri et Domino A. Dei gratia Summo Pontifici et universali Papae A. eadem gratia Urgellensis Episcopus salutem et debitam reverentiam et obedientiam. Grates quas possumus et si non possumus quas debemus sacrae Paternitati vestrae referimus quoniam per litteras suas nobis mandavit, quod Celsonae Preposito nulla indulserat quae contra ecclesiam nobis comissam existere crederet, et si eius suggestione deceptus aliqua fecerat per nos certificatus libenter eadem in irritum revocaret. Noverit itaque vestra majestas dictam Celsonae ecclesiam tam predecessorum nostrorum quam nostri spetialem ac propriam cameram semper extitisse, ita quod bonis episcopalibus fuit ditata et in proprio alodio nostro hedificata et adhuc est sita et a predecessoribus nostris fuit ordinata et in eadem prepositus ab eisdem semper electus et substitutus et ita censuale quod quolibet anno sex modios annonae et quaedam alia (pone al ia) nobis persolvere tenetur. Quae nobis reddere cum contenderet, et quasdam ecclesias et alia bona quae a predecessoribus nostris habuerat non recognoscendo possideret, et super hiis Prepositus ante presentiam bonae memoriae Hugonis Venerabilis Terraconae Archiepiscopi fuisset vocatus, antequam controversia per judicium vel composicionem fuisset terminata, dictus Venerabilis Archiepiscopus de medio sublatus fuit. Verum nos audientes quod vestra sancta discrecio Dominum Jacobum Venerabilem Cardinalem ad partes nostras delegaret eius presentiam adientes super predictis fuimus conquaesti, et quod non potuit terminari in eius transitu, in eius reversione et consilio quod Ilerdae celebravit sperabamus posse perfici. Sed predictus Prepositus nolens eadem ad lucem venire vos tantum Dominum et Patrem circumvenire et quaedam falsa suggere ausu nimis temerario presumpsit, affirmans transactionem a venerabili prefato Archiepiscopo inter nos et ipsum fuisse factam, et sic privilegium a vobis impetravit, illam in eodem confirmari faciens. Quod scriptum pocius est credendum ab eodem Preposito falso fuisse compositum, quam a tanto viro nobis ignorantibus ipsi esse indultum. Testamur enim Deum etiam sub oficii nostri periculo quod numquam illud scriptum videramus donec nuper cum a vestra presentia venit illud nobis ostendit. Quod parati sumus cum maiori parte Capituli nostri facere fidem prestito etiam corporali sacramento quod nec assensu nostro fuit compositum, nec a nobis visum nec unquam confirmatum, vel auditum, usque dum pse (ipse?) nuper prout diximus venit. Quare humiliter petimus ut eius tanta presumptio et audatia ita corrigatur, et nobis tale justitiae complementum exhibeatur ut ipse de tanto excessu peniteat et coeteri terreantur similia perpetrare, et nos justitiae patronum nos invenisse gaudeamus. Preterea cum ad conquestionem nostram sepe dicto Terrachonae Archiepiscopo dederitis in mandatis, quatinus si Ilerdae Episcopus privilegium a vobis impetrasset in quo quasdam possesiones quas ad se pertinere affirmabat, et alias de quibus controversia erat fecerit inscribi, illud privilegium vestrae remitteret paternitati, et per alias litteras eidem Archiepiscopo perceptis ut causam quae inter nos et predictum Episcopum super quibusdam ecclesiis Urgellensis et Palariensis comitatuum, Rotensis quoque ecclesia et ecclesiis de tota Riparcurcia (Ripacurcia, Ribagorza, Ribagorça) vertebatur audiret et debito fine decideret, et ad vestrum mandatum cum jam super predictis testes recepisset et morte preveniente sententiam dare non potuerit. Rogamus omnimodis clementiam vestram ut presidenti Terraconae Archiepiscopo qui illas testificationes pre manibus habet, precipiatis ut secundum allegata et testificata sententiam infra XXX dies utraque parte ascita ex quo vestras litteras receperit, proferat: alias easdem allegationes et testificationes sub sigillo suo clausas vestrae sanctae discretioni remittat tam nobis quam Ilerdae Episcopo diem assignans quo vestro nos presentemus sancto conspectui. Ad haec omnifarie deprecamur quatinus reliquas petitiones quas Magister R. de Tolosa Domini Jacobi clericus et in Christo dilectus filius noster et vestrae magestati et vestris devotissimus ac fidelis ex parte nostra vobis porrexerit audire et exaudire velitis. Visitationem vero quam nostra parvitas vestrae magnitudini in signum devotionis transmittit recipere dignemini, non quantum sit quod offerimus sed ex quanta devotione procedat perpendentes...

Valeat sacra vestra maiestas et vobis in nostra justicia adesse dignetur. 

XVIII. Carta libertatis ecclesiae S. Petri de Pontibus, anno MCLXIX

XVIII. 

Carta libertatis ecclesiae S. Petri de Pontibus, anno MCLXIX (Vid. pág. 59). 

Ex arch. Epis. Urgell. 

In nomine Domini certum sit cunctis quod multae contenciones fuerunt inter Episcopos Urgellenses Bernardum scilicet Sancii, et Bernardum Roggerii, et Petrum de Podioviridi (Puigvert o Puigverd): atque inter Arnaldum Urgellensem Episcopum postea et P. de Podioviridi filium scilicet predicti Petri pro stabilimento Ecclesiae Sancti Petri de Pontibus (Sant Pere de Pons o Ponts) et sufraganearum ipsius quod praedicti Petri scilicet pater et filius ad se pertinere asserebant. Tandem P. de Podioviridi filius pro anima patris su recognoscens injustum esse quod Ecclesiae per manum laicam stabilirentur, atque sub tirannica servitute detinerentur, easdem Ecclesias omnino in potestate A. Urgellensis Episcopi deliberavit, et stabilimentum Ecclesiae Sancti Petri de Pontibus atque omnium sufraganearum eius liberum semperi pro voluntate sua, et omnium successorum eius praedicto Episcopo dimisit. Et ego P. de Podioviridi sicut superius scribtum est, Ecclesiam Sancti Petri de Pontibus et eius sufraganeas cum omnibus quae ad eam, et ad eas pertinent pro remedio animae patris mei dimitto et trado francham et liberam Sanctae Mariae Urgellensis Sedis et tibi A. eiusdem Sedis Episcopo atque successoribus tuis in perpetuum. Et habeatis stabilimentum ipsarum Ecclesiarum liberum semper ad voluntatem vestram ita quo ibi ponatis vos et successores vestri quales clericos volueritis, et eosdem quando volueritis pro voluntate vestra eiciatis, et totum quod ad easdem Ecclesias et ad predictum stabilimentum pertinet sit in arbitrio et voluntate atque libera disposicione vestra, et omnium successorum vestrorum in perpetuum. Et istum finem et hanc liberacionem facio ego P. de Podioviridi per me et per omnes successores meos vobis et omnibus successoribus vestris in perpetuum. Et manutenebo atque defendam ego et omnes qui in hereditate mea venerint post me, et habebo in baiulia domum et possessiones Sancti Petri contra cunctos homines et foeminas bona fide absque enganno Ecclesiae, exceptis Urgellensibus Episcopis contra quos ego et omnes successores mei nunquam ea defendemus et... statu quod Dominus meus E. Comes Urgelli et Dulcia Comitissa uxor eius, et eorum filius Ermengaudus et castellanus - sub me suo in Castro de Pontibus, scilicet, Guillermus et Arnallus atque omnes successores eorum, et omnes parrochiani... Ecclesiarum. Si ego vel aliquis de successoribus meis contra istam predictam libertatem venerimus, teneant se de hoc cum Episcopis Urgellensibus et de hoc absolvo eos, et non de alio. Et ego A. Urgellensis Episcopus recipio hanc liberacionem supradictae Ecclesiae, et omnium ad eam pertinentium a te P.° de Podioviridi, et propter istam liberacionem ut firma sit et permaneat atque a vobis et ab omnibus successoribus vestris fideliter observetur omni tempore, dono tibi de avere Beatae Mariae CC. morabetinos bonos, et ut haec mea deliberacio et definicio rata et firma perpetuis temporibus habeatur, ego presenti pagine propria manu subscribo, et Domnum Ermengaudum Urgellensem Comitem, et Dulciam Comitissa (N. E. no es Comitissam?) uxorem eius, et E. filium eorum subscribere, et hanc meam definicionem ratam ac firmam in perpetuum habere rogo ac desidero. Acta carta deliberacionis VIII.X. kalendas julii anno Dominicae Incarnationis C.LXVII. post Millesimum. = Sig+num Petri de Podioviridi, qui hanc cartam deliberacionis fieri jussi, firmavi, firmarique rogavi. = Sig+num Geralde uxoris eius quae hoc firmo et laudo sicut superius scribtum est. = Sig+num Guillermi de Pontibus qui hoc firmo et laudo. = Sig+num Arnaldi de Pontibus qui hoc firmo et laudo. = Sig+num Petri de Belvis qui hoc firmo et laudo. = Sig+num Arnaldi de Zaguardia (ça guardia, ipsa guardia) qui hoc firmo et laudo. = Sig+num Guillermi de Montfalcho (Montfalcó, Montfaucon) qui hoc firmo et laudo. = Sig+num Guillermi Petri de Zaguardia. = Sig+num R. de Ponts (Pontibus). = Sig+num Petri de Finestres. = Sig+num A. de Caguasta (a veces esta C es Ç: ça guasta). = Sig+num Guillermi Cunil. = Sig+num Ugonis de Puigverd. (Podioviridi anterior) = Sig+num Rossel. (Rossell) = Sig+num Berenguer Esclavina. = Sig+num Benuz. = Sig+num Poncii de Cagardia (ça guardia con otra versión, hay varias).