XXXIV. Series epistolarum Romanorum Pontificum in codice Urgell. contentarum.

XXXIV.

Series epistolarum Romanorum Pontificum in codice Urgell. contentarum. (Vid. pág. 164.) 

Incipit numerus Decretalium Epistolarum Praesulum Romanorum. 

Epistolae Papae Damasi ad Paulinum Antiocenum Episcopum. 

Confessio fidei eiusdem Papae ad Paulinum Episcopum Antiocenum. 

Epistola Syricii Papae ad Eumerium Episcopum Terraconensem. 

Eiusdem Syricii per diversos Episcopos missa. 

Eiusdem Syricii per diversos Episcopos directa. 

Epistola Innocentii Papae ad Decentium Episcopum Eugubinum. 

Eiusdem ad Victoricum Rotomagensem Episcopum. 

Eiusdem ad Exuperium Tolosanum Episcopum. 

Eiusdem ad Foelicem Episcopum. 

Eiusdem ad Maximum et Severum Episcopos. 

Eiusdem ad Agapium, Macedonium, et Marinum Episcopos. 

Eiusdem ad Rufum et coeteros Episcopos per Macedoniam constitutos. 

Eiusdem ad Florentinum Tiburtinensem Episcopum. 

Eiusdem ad Probum.

Eiusdem ad Aurelium et Augustinum Africanos Episcopos.

Eiusdem ad eundem Aurelium Kartaginensem Episcopum.

Eiusdem ad eundem Aurelium Kartaginensem Episcopum. 

Eiusdem ad Julianum nobilem exortatoria.

Eiusdem ad Bonifacium Presbyterum. 

Eiusdem ad Alexandrum Antiocenum Episcopum. 

Eiusdem ad Maximianum Episcopum. 

Eiusdem ad Alexandrum Antiocenum Episcopum. 

Eiusdem ad eundem.

Eiusdem ad Achacium Berofe Episcopum. 

Eiusdem ad Laurentium Siniensem Episcopum. 

Eiusdem ad Rufum et Eusebium coeterosque Episcopos.

Eiusdem ad universos Tolosanos Episcopos.

Epistola Zozini Papae ad Esicium Episcopum Solonitanum. 

Eiusdem Papae ad clerum Ravennensem.

Epistola Bonifacii Papae ad Honorium Augustum. 

Rescriptum Honorii Augusti ad eundem Bonifacium. 

Epistola Bonifacii Papae ad Episcopos Galliae. 

Eiusdem Papae ad Ilarium Narbonensem Episcopum.

Epistola Celestini Papae ad Episcopos per Galliam constitutos.

Eiusdem ad Episcopos Galliae id est per Vienensem et Narbonensem provintiam constitutos. 

Eiusdem ad Episcopos per Apuliam et Calabriam constitutos.

Epistola Leonis Papae ad Euticen presbyterum.

Eiusdem ad Flavianum et Constantinopolitanum Episcopum.

Rescriptum Flaviani ad supradictum Leonem Papam. 

Leonis rescriptum ad eundem Flavianum Episcopum. 

Epistola Petri Episcopi Ravenensis ad Euticen presbyterum. 

Epistola Papae Leonis ad Effisinam Sinodum. 

Eiusdem ad Teodosium Augustum. 

Eiusdem ad Pulcherriam Augustam.

Eiusdem ad eundem Pulcherriam Augustam.

Eiusdem ad Martinum et Faustum presbiteros. 

Eiusdem ad Teodosium Augustum. 

Eiusdem ad Pulcherriam Augustam. 

Eiusdem ad Faustum, Martinum, Petrum et Manuelem et coeteros. 

Eiusdem ad Pulcherriam Augustam. 

Eiusdem ad Anatholium Constantinopolitanum Episcopum. 

Eiusdem ad Marcianum Imperatorem. 

Eiusdem ad eundem Marcianum Augustum. 

Eiusdem ad Anatholium Episcopum.

Eiusdem ad Marcianum Augustum.

Eiusdem ad Synodum Calcidonense.

Eiusdem ad Marcianum Imperatorem. 

Eiusdem ad Anatholium Episcopum.

Eiusdem ad Marcianum Augustum.

Eiusdem ad eundem Marcianum Augustum. 

Eiusdem ad eundem.

Eiusdem ad Leonem Imperatorem subjunctis testimoniis pro re supra scripta de libris diversorum PP. 

Eiusdem ad Turibium Asturicensem Episcopum. 

Eiusdem ad universos Episcopos per Italiam constitutos. 

Eiusdem ad Episcopos per Siciliam constitutos. 

Eiusdem ad Samnium et Picenum Episcopos. 

Eiusdem ad Januarium Aquilegensem Episcopum. 

Eiusdem ad Rusticum Narbonensem Episcopum . 

Eiusdem ad Anastasium Tesalonicensem Episcopum. 

Eiusdem ad Nicetam Aquilegensem Episcopum. 

Eiusdem ad Affricanos Episcopos. 

Eiusdem ad Theodorum Forojuliensem Episcopum. 

Eiusdem ad Leonem Ravennensem Episcopum. 

Eiusdem ad Dioscoru Alexandrinum Episcopum. 

Eiusdem ad Episcopos per Campaniam, Samnium et Picenum 

constitutos. 

Hylarii Papae Synodale decretum. 

Eiusdem ad Aschanium et ad universos Terragonensis provinciae Episcopos. 

Eiusdem ad eundem Aschanium Terraconensem Episcopum. 

Epistola Simplicii ad Zenonem Hispalensem Episcopum. 

Epistola Achasii Constantinopolitani Episcopi ad predictum Simplicium Romanae urbis Episcopum. 

Epistola Foelicis Papae ad Episcopos per Siciliam. 

Eiusdem ad Achacium Constantinopolitanum Episcopum. 

Eiusdem ad Zenonem Hispalensem Episcopum. 

Decreta Gelasii Papae generalia. 

Eiusdem ad Sicilienses Episcopos.

Epistola Anastasii Papae ad Anastasium Imperatorem directa.

Epistola Simmachi Papae ad Cesarium. 

Epistola Hormisdae Papae ad Justinum Imperatorem. 

Sacra Justini Imperatorir ad Ormisdam Papam. 

Epistola Johannis Constantinopolitani Episcopi ad Ormisdam Papam directa.

Epistola Hormisdae ad Johannem Episcopum Hilicitanae Ecclesiae.

Item Hormisdae Papae ad eundem Johannem Episcopum.

Item Hormisdae Papae ad Episcopos per Hispaniam constitutos.

Item Hormisdae Papae ad eosdem Hispaniae Episcopos, subjunctis exemplaribus libelli Johannis, Constantinopolitani Episcopi.

Item Hormisdae Papae ad Epiphanium Constantinopolitanum Episcopum.

Item Hormisdae Papae ad Salustium Hispalensem Episcopum.

Item Hormisdae Papae ad universos provintiae Beticae Episcopos.

Epistola Vigili Papae ad Profuturum Episcopum.

Epistola Gregorii Papae ad Leandrum Hispalensem Episcopum.

Eiusdem ad eundem Leandrum.

Eiusdem ad predictum Antestitem.

Eiusdem ad Recaredum Regem Gothorum.

Decreta Romanae sedis de recipiendis et non recipiendis. 

Al fin de estas Epístolas Decretales sigue: Epistola Leonis ad alios Episcopos Boeticae (bética) Provintiae sive Lusitaniae directa. En las tres últimas hojas se hallan algunos fragmentos de los sermones de San Agustín.

XXXIII. Translatio Conventus FF. Predicatorum Sedis Urgellensis, amo MCCCLXIV, 1364

XXXIII. 

Translatio Conventus FF. Predicatorum Sedis Urgellensis, anno MCCCLXIV. (Vid. pág. 122).

Ex arch. eiusd. Conv. 

Noverint universi quod cum guerrae, tribulationes et discordiae quam plurimum vigeant per universum orbem sic quod gens insurgit contra gentem et regnum contra regnum in tantum quod vix diabolo instigante pax invenitur inter christicolas propter quod tam romana curia quam provincia et ¡n Lingua Occiana (Langue d'Oc, Languedoc, lengua de Oc, och, hoc : sí afirmativo, lengua occitana) et quam etiam Francia necnon in Aragonia et Cathelonia quaelibet Civitas, Villa, Locus et Castra volentes futuris periculis providere propter gentium paucitatem ordinaverunt quod hedificia extra muros antiquos posita sive sint Monasteria vel alia hedificia cuius conditionis sint sive status per quae ipsi Civitati, Villae, et Loco posset nocumentum vel aliud dampnum inferri destruantur, reducantur planiciey, et totaliter diruantur. Igitur cum Civitas Urgellensis sit sub muris antiquis, sub certis clausuris posita et hedificata et redacta extra quos Monasterium seu Conventus Ordinis Fratrum Praedicatorum antiquitus fuit hedificatum, et videatur quod si Monasterium sic remaneat ipsi Civitati Urgellensi nocumentum et irreparabile detrimentum praestavit proculdubio in futurum maxime quia eius hedifitia adeo sunt muris et vallis ipsius Civitatis contigua quod necessario habent destrui et dirrui, si dicta Civitas conservari vult et debet ab inimicis et gentibus extranae nationis quae ad debellandum eam se parant, quod experientia mostravit non est diu; ideo Reverendus in Christo Pater et Dominus Dominus Guillermus divina providentia Episcopus Urgellensis volens vigilare circa utilitatem comunem ipsius Civitatis Urgellensis praedictae, et futuris dampnis providere pro posse quia jacula quae previdentur minus ferire solent, habito colloquio et maturo consilio et tractatu, ne dum semel sed pluries tam cum venerabilibus viris Decano et Capitulo ac civibus dictae Civitatis quam cum personis generosis et aliis circa talia expertis, si propter dictum Monasterium si ibi ubi situatum est remaneret, posset ipsi Civitati parare nocumentum. Qui omnes concordes deliberarunt quod utile est et expediens tam Civitati praedictae quam Fratribus ipsius Monasterii pro eorum conservatione aliud Monasterium intra muros antiquos et clausuras antiquas ipsius Civitatis hedifficare et illud quod est extra muros hedifficatum destruere et mutare cum alias esset praedictae Civitati irreparabile detrimentum, si in loco ubi nunc est remaneret prout praedicta clare... praesente dicto Domino Episcopo ac presentibus Decano et Capitulo Urgellensi ac consulibus et consiliariis infrascriptis, ac etiam Priore et Fratribus dicti Monasterii subscriptis fuerunt recitata, in presentia mei Notarii publici et testium subscriptorum ad haec spetialiter vocatorum. Quare idem Dominus Episcopus ordinavit de et cum consilio venerabilium virorum Raymundi Cervarie in Decretis Licenciati, Decani Bernardi Gomari, Bergae, et Petri de Mornacho, Celsonae Archidiaconorum, Jacobi Miro, Michaelis Fusteri, Raymundi Trebayla, Guillermi Heliae, et Guillermi de Viraleto Canonicorum ecclesiae Urgellensis ad Capitulum per pulsationem campanae, ut moris est propter haec ut dixerunt congregatorum, ac Petri de Sancto Andrea, Bernardi Sartre, et Petri de Tavernoles Consulum, Johannis de Putheo clauso, Berengarii Fabrichaer, Petri de Altariba, Geraldi de Aquilario, Ferrarii de Sancta gracia, Francisci Archavelli, Bernardi de Arcegel, Berengarii Salines, Bernardi Quexans, Johannis de Artedone, Petri de Ribes, Bernardi Picamoles, Bartholomei Magistri, Raymundi Tarega, Jacobi Trebayla civium et consiliariorum dictae Civitatis pro utilitate comuni ipsius Civitatis et pro conservatione eiusdem quod Monasterium Praedicatorum situatum extra muros, et eius hedifficia diruantur, et quod Monasterium et eius hedifficia infra (intra) muros construantur et hedifficentur. Et de presenti assignat dictus Dominus Episcopus Religiosis Fratri Berengario de Torrenteyler Priori, Fratri Arnaldo Sacerdoll, Fratri Galcerando de Rupeforti, et Fratri Arnaldo Montanerii conventualibus dicti Monasterii presentibus ibidem pro se et eorum successoribus stipulantibus, et recipientibus locum ubi valeant et possint Monasterium hedifficare, videlicet ecclesiam parrochialem Sancti Michaelis, et etiam cimiterium eius et hospitale proborum hominum dictae Civitatis sine tamen juris praejudicio parrochialis dictae ecclesiae. Et promisit etiam dictus Dominus Episcopus quod ulterius assignabit loca sufficienter si necessarium fuerit tot quot fuerit necessarium ad eorum hedifficia construenda debite circumcirca praedictam ecclesiam et hospitale predictum. Et de presenti in adjutorium operis seu hedifficii dicti Monasterii assignat dictis Priori et Fratribus tertiam partem adjutarum dictae Civitatis cuiuslibet anni ad triennium a festo Omnium Sanctorum proximo futuro. Ita tamen quod dicta tertia pars in alios usus preterquam in dicto opere non convertatur, et quod operarius seu persona aliqua bona qui nomine operarii vocetur ponatur per dictos Priorem et Consules qui nunc sunt, seu pro tempore erunt: quae quidem persona teneatur eisdem Priori et Consulibus debitam reddere rationem quando et quotiens ab eis fuerit requisitus. Et de predictis omnibus et singulis prefatus Dominus Episcopus voluit et mandavit fieri unum vel plura publicum sive publica instrumenta in testimonium praemissorum. 

Et praemissa fuerunt laudata et firmata tam per dictum Dominum Episcopum quam per prefatos Dominos Decanum, Archidiaconos et Canonicos, Capitulum ut dixerunt facientes, ac per praefatos Consules et Consiliarios supranominatos, excepto tamen venerabili viro Guillermo Bordonelli, Canonico Urgellensi Statore ac patrono dictae ecclesiae parrochalis Sancti Michaelis qui ibidem praesens erat, qui praedictis non consenciit, imo expresse contradixit, si et in quantum juri suo et dictae ecclesiae prejudicare possent. Et fuit etiam protestatus de jure suo et quod per huiusmodi assignationem per dictum Dominum Episcopum factam dictis Priori et Fratribus prejudicium juri suo et parrochiali juri ecclesiae Sancti Michaelis cuius patronus ut dixit existit non valet generari. Acta fuerunt haec in domo Capituli dictae ecclesiae Urgellensis die Sabbati vicesima nona mensis junii anno a nativitate Domini millesimo trecentessimo sexagesimo quarto, presentibus ad haec pro testibus specialiter vocatis Bonanato de Plano, Bernardo de Pulcropodio, Raymundo Johannis, Beneficiatis in ecclesia Urgellensi, et Bartholomeo Caldererii, Rectore ecclesiae Castri de Ciutat. Et subsequenter paulo post prefatus Dominus Episcopus prehabita aliquali deliberatione ordinavit quod discretus Petrus del Ges, Vicarius perpetuus ecclesiae Sancti Michaelis praedictae de tota vita sua de cetero celebret suum officium et ministret sacramenta suis parrochianis in ecclesia Sancti Petri contigua claustro ecclesiae Urgellensis, quam quidem ecclesiam Sancti Petri pro parrochiali ecclesia Sancti Michaelis Petro del Ges, Vicario perpetuo dictae ecclesiae Sancti Michaelis ibidem presenti et recipienti assignavit de tota vita sua. Intendens idem Dominus Episcopus ut dixi de consilio sui Capituli ordinare quod dicta ecclesia Sancti Michaelis post mortem dicti Vicarii sit unita capellano Sancti Odonis, sic quod non sit nisi unus Rector parrochialis in civitate antedicta, videlicet capellanus Sancti Odonis cui uniet et incorporabit ecclesiam antedictam Sancti Michaelis absque tamen praejudicio dicti capellani, et etiam dicti Guillermi Bordonelli et etiam suorum successorum, et absque etiam praejudicio Capituli antedicti, et etiam suae ecclesiae Urgellensis antedictae ut int ordinacione quam super hoc faciet idem Dominus Episcopus latius continebitur et exprimetur. Quae sunt acta in domo dicti Capituli die et anno quibus supra, et praesentibus testibus supradictis. Sig+num mei Petri de Villa (espacio grande) Notarii publici civitatis Urgellensis auctoritate venerabilis capellani Sancti Odonis in ecclesia Urgellensi qui haec scribi, feci et clausi. Et constat michi de diccionibus superpositis videlicet in prima linea ubi scribitur vix, et in sexta linea ubi dicitur in Christo, et in XVI linea ubi legitur ibidem, et in penultima linea ubi scriptum est praejudicio. Constat etiam de diccione rasa et correcta in tertia linea ubi scribitur et. Constat insuper de alia diccione rasa et correcta, videlicet in VIII. linea ubi scriptum est omnes.

XXXII. Postulatio Capituli Urgellensis ad Innocentium Papam VI. directa, ut Guillermum Arnaldum de Patau Episcopum eidem ecclesiae praeficiat, anno MCCCLXI.

XXXII. 

Postulatio Capituli Urgellensis ad Innocentium Papam VI. directa, ut Guillermum Arnaldum de Patau Episcopum eidem ecclesiae praeficiat, anno MCCCLXI. (Vid. pág. 119).

Ex autogr. in arch. eccl. Urgell. 

Sanctissime Pater et Domine. Vestram sanctitatem humillimi servi vestri, Capitulum vestrae ecclesiae Urgellensis latere non credunt, quod dudum praefata Urgellensis ecclesia per obitum felicis recordationis Domini Hugonis, Urgellensis Episcopi pastoris solatio destituta venerabilem et circunspectum virum Guillermum Arnaldi Patau, Decretorum Doctorem, decanum et de gremio ecclesiae antedictae, prout eis Deus disposuit, in suum Episcopum elegerunt, virum utique gentibus Diocesis, et totius patriae notum, ac regimini ipsius ecclesiae, quae in medio inimicorum suorum situata existit, proculdubio profuturum, in temporalibus providum, et in spiritualibus circunspectum, cuius electionem et decretum per praemissorum Capituli procuratores et spetiales nuncios V. S. destinare et nuntiare curarunt, supplicantes eidem S. ut eundem venerabilem Guillermum Urgellensi ecclesiae preficeret in Episcopum et pastorem. Cumque ad aures Canonicorum dictae ecclesiae perduxerit relatio fidedigna, quod aliqui magni Domini instant pro promotione aliquorum de gremio ecclesiae non existentium, quibus status ecclesiae et conditiones gentium penitus sunt ignoti, quod si, quod absit, fieret, in totius ruinae ecclesiae cederet, et in ipsius, et jurium eiusdem irreparabile detrimentum propter guerras et discordias quas homines ecclesiae habent cum inimicis suis cotidie, et habuerunt actenus ab antiquo, et hoc aliqui ex Dominis Cardinalibus Sanctae Romanae Ecclesiae non ignorant. Igitur Capitulum memoratum humillime ac flexis genibus V. S. iterato supplicat, ac vicibus repetitis quatinus praefatum electum dignetur eidem ecclesiae praeficere in Episcopum et Pastorem. Speratur nempe divina disponente gratia, propter scientiam et alios bonos mores, quibus eum Altissimus insignivit, quod erit per quam utilis regimini ecclesiae prelibatae. Almam personam vestram conservet Creator omnium per tempora dilatata feliciter regimini Ecclesiae sanctae suae. Datum in nostro Capitulo sub sigillo eiusdem, die quarta novembris anno a Nativitate Domini M.CCC.LX. primo.