XXIV. Acta electionis Abbatis Petri in monasterio de Amer: anno MXLI.

XXIV.

Acta
electionis Abbatis Petri in monasterio de Amer: anno MXLI. (Vid. pág.
227).

Ex
arch. mon. Amer.

Sciat
humana fragilitas quia mortem carnis nullus hominum degens in carne
mortali evadere possit. Nos enim quasi rami infirmitatem carnis qua
morimus ex primo parente qui peccavit quasi ex vitiata radice
contraximus. Unde et ille primus propter peccatum solvit debitum
mortis, et non modica pars iam solvit humani generis, et nos
singulatim usque in finem secuti pariter sumus soluturi. Sed illius
anima felix que post deposicionem corporis iam cum Deo letatur in
celis: futura felicior quando post restitucionem corporis in regno
Dei in eternum cum corpore in viro perfecto in etate corporis Xpi.
vivere merebitur atque letare. Ad ahanc ergo gloriam credimus
pervenisse Suniarii Abbatis animam que dudum egressa a corpore
dinoscitur exemplum bene videndi in carne manentibus reliquisse.
Huius ergo in loco monachi monasterii Amerensis nomine et meritis
sacrati beate Marie Dei Genitricis elegerunt et aclamaverunt sibi
futurum Abbatem illustrem virum nomine Petrum a puero inter eos regulariter eruditum ac monastice conversatum, et eundem sibi patrem
ordinandum a domno Petro venerabili suo Pontifice expetiverunt, et
ipsius consecratione virum predictum Abbatem accipere meruerunt. In
tantum vero qui noverant eundem Petrum dilexerunt, ut non solum
monachi, sed et primates patrie, sed et ipsa domna Ermesindis
Comitissa venerabilis eundem virum Abbatem predicti monasterii fieri
postulaset, et postulans impetrasset. Hanc autem ordinacionis
scripturam, ut firma esse pateat omnibus, non solum predicti monachi,
sed et primores viri firmare curaverunt, et predicta Comitissa
venerabilis, insuper etiam predictus Sedis Ierundensis consecrator
Abbatis egregius et pie memorabilis Pontifex. Facta est autem hec
scriptura aclamacionis et consecracionis predicti Petri Abbatis IIII
nonas aprilis anno X Henrici regis, anno Dni. millesimo XLI.
indicione VIIII.

+
Petrus Episcopus. +. = Ermessindis gratia Dei Comitissa. = Poncius
levita et Capud scole atque iudex. ss. = Bonus homo sacerdos et
monachus. ss. = Eneas sig+num. = Sig+num Raimundus. = Sig +.
Broncardus. = S. Raimundus. = + Remundus Archilevita. = Petrus vel
Donnucius Sacrista. = Vilielmus sacerdos et monachus. = Guilielmus
sac. et mon. = Petrus mon. = Reimundus Sac. et mon. = Adebrandus pbr.
= Bernardus levita. = Vitale levita. = Lobatuno sacerdos. = Isarnus
levita. = Durandus monac. = Ervigius mon. = Adalbertus monac. =
Falencius mon. = Petrus sac. et mon. = Guifredus mon. = Baronus mon.
= Aurceliolus sacerd. = Remundus sac. = Teudericus pbr. = Miro mon. =
Signum Berengarius levita et Caput scole, qui hanc aclamacionis et
consecrationis scripsit die et + anno quo supra.

XXIII. Acta electionis et consecrationis Suniarii Abbatis Amerensis in concilio Gerundae celebrato anno MXVII (1017).

XXIII.

Acta
electionis et consecrationis Suniarii Abbatis Amerensis in concilio
Gerundae celebrato anno MXVII (1017). (Vid. pág. 227.)

Ex
autogr. in arch. monast. Ameren.

Herus
Xps. Jhesus in terris degens per cosmi alumnos misit duodecim
climata, ut gentilium corda que errores raptabatur per varios atque
per devia ad fidei rectitudinem traherentur, atque ad Xpi industriam.
Ipsi vero toto nisu conati sunt a zabulorum eos evellere suplicia, et
lavacris salutaris abluere, ut purificati ab idolorum spurcicia,
atque operante Xpi. iusticia, permanere possint in cive aetherea. Fos
inde accensi nonnulli, roborati virtute fidei Spiritus Sancti,
linquentes predia, substantia atque cuncta, alternatim duxere vitam,
per quam possint adipiscere perennem mansuram. Ergo multi soli hero
placere studentes, in tuguriis hospicia habentes, cum celicolis
adepti sunt regni celestis. Quo circa noster Theosophus gratia et
nomine, evi vitam deserens huius, amplectens deserta, soli Deo vacare
studens, Angelis notus, hominibus incognitus, dein lucerna super
candelabrum posita, quatinus qui in domo sunt luceret, XII monasteria
construens, duodenos monachos deputans, per uniuscuiusque patres
constituit, vitamque monasticam indidit. Unde nonnulli eius
amplectentes vestigia studuerunt construere monasteria sua in
presidia. Ergo namque a fidelibus viris monasterium Sancte Marie
dudum in val de Amerensi constructum, et regulis artis (vel
regalis cartis) ibidem degentibus lex constituta est. Quorum inibi
novimus extitisse, et eundem cenobium strenue rexisse domno Raimundo
Abbate quem ab hac luce feliciter subtractum, et inter agmina
paradisi collocatum, interim annuente domno Raimundo inclito
Marchione eiusque coniuge domna Ermesindis Comitissa
successit in eodem cenobio egregium virum domno scilicet Witardo
venerabilis Archipbr. Qui aliquot per tempora tria annorum spacia
eadem rexit monasteria secundum sue mentis sciencia. Qui presidebat
tunc temporis quo in Sancta Sede Gerunda celebrata est concilia, in
quo adfuere Episcopi, necne Abbati, et diversi generis quam plurima.
Multas denique ibidem dirimentes causas, et quod videbatur ineptum,
trahere nitebantur ad rectum consilium. Consedentibus namque et
conloquentibus, audientes quomodo erat erga monasterium,
adiudicaverunt inhonestum esse, atque potestati subiacere peccatum,
ut monachi sub lege et hordine Sancti Benedicti degentes ut maneant
sine patrono, qui hordinem ac vestigia simul cum illis ducat
communemque vitam atque minime esse sub tali potestate qui hordinem
et vitam ducant alternatim, et non comune, sicut beatus Benedictus
edocet. Enimvero ceperunt Episcopi vel Abbati exorare domnum Petronem
sancte Sedis Gerundensis alme Virginis Marie Episcopum una cum clero
sibi comisso ut rogasset atque obtasset domna Ermesindis gratia Dei
Comitissa, necnon et eius filio inclito Marchione Berengario,
ut talem ibidem Pastorem delegassent, qui eisdem ducatum prebuisset
ad vitam et adquievit Comitissa necnon et eius filio, atque omnes
Gerundensium Proceres, eorumque preces annuente domno Witardo,
egregius Archipbr. elegerunt monacum nomine Soniarium ex
Sancti Petri cenobio, moribus pudicum, sapiencie sale refertum,
scientem proferre de tesauro intimo cordis sui ea que sunt novi ac
veteris testamenti; ac domno Berengario inclito Duci eum
obtulit domno Adalberto egregio Presuli ad benedicendum per iussionem
domno Petrono Episcopo, ut consecratus a Dno. Jhesu Xpo. auctoritas
ista ei suplementum tribueret a prelatum regendum iam monasterium.
Acta sunt hec autem III. kl. decembris, imperante Domino nostro Jhesu
Xpo., anno Trabeacionis eiusdem millesimo XVII. indicione (deest).

Adalbertus
Episcopus. = Ermessindis gratia Dei Comitissa. +. = + Berengarius
Comes. = Blidegarius Aba. = Abo monachus. = Seniofredus monac. =
Petrus monac. = Durandus mon. = Arnallus monac. et sacer. = Eldemarus
monac. = Guilelmus monac. = Geraldus monac. = Seniofredus monac. =
Reimundus mon. = Petrus sacer. et mon.

XXII. Acta electionis Abbatis Amerensis Raimundi.

XXII.

Acta
electionis Abbatis Amerensis Raimundi. (Vid. pág. 226.)

Ex.
autogr. in arch. monast. Ameren.

Omnipotens
Dnus. nr. Jesus Xpus. in terris degens discipulos XII. per quadrua
mundi misit, ut corda gentium que per varios errores raptabantur, a
fidei rectitudine traherent, et super petram quod ipse erat
collocarent. Ipsi vero conati sunt toto nisu a zabuli laqueis eos
evellere, et lavacris salutaribus abluere, ut purificati a sordibus
idolorum mundi pergere possent in regione vivorum. Unde nonnulli fos
(sic) spiritus sancti accensi, virtutum fidei roborati, linquentes
cosmum, ipsamque vitam, quam Theologi nostri duxere communem,
alternatim in tuguriis auspicia habentes, soli hero placere
studentes, adepti sunt cum celicolis regna appetere in terris
degentes. Unde noster Theosophus Benedictus huius aevi vitam fugiens,
deserta amplectens, soli Deo vaccare studens, multis annis incognitus
hominibus, notus fuit Deo, patribusque beatis. Dein XII. monasteria
construens duodenos monachos deputans per singulos patres constituit,
vitamque monasticam indidit. De cuius factis et dictis probi et
optimi viri sumpserunt exempla nobis valde utilia: ex quorum sufragio
modo fulget in mundo monachorum norma beata. Ergo a fidelibus viris
monasterium Amerensis constructum est regulis artibus
(sic) (regulis artis : regalis cartis) ibidem degentibus lex constituta est. Nos ergo fratres
supradicti loco degentes vitam monasticam secundum modulum
capacitatis nostre amplectentes, patre nostro Amalricho
spirituale amisso, oravimus Deum ut suo nutu nobis tribueret qui
pater preesset. Proclamante ergo domno Odono Presule, annuente
domno Raimundo Duce, (Dux : Comite, duque : conde) eiusque
coniuge domna Ermesindais Comitissa, consenciente domno Ugone
Comite Impuritanense, eligimus hunc virum nomine Reimundum ab ipsis
cunabulis in regularibus disciplinis educatum, moribus bonis
adornatum, sapiencia sale conditum, ut nobis esset pater in
spiritualibus, adiutor in adversis, in prospera humilis. Anno ergo
dominice Trabeacionis millesimo VI.° indiccione IIII. anno VIIII.
regnante Radoberto Rege facta est hec electio vel adclamatio
in cenobio Sancte Marie cenobii Amerensis III. ÑNS. kl. febroarii,
proclamante simul domno Odone Presule, et domno Reimundo Duce et
Marchioni, et domna Ermesindis Comitissa, et domno Ugone Comite sub
testificatione bonorum virorum tam monachorum quam clericorum seu
coeterorum bonorum fidelium Xpianorum. Sig+num Reimundus Comes. =
Sig+num Ermesindis Comitissa. = + Odo hacsi indignus gra. Dei
Episcopus Sancte Sedis Gerundensis ecclesie, et nutu Dei Abbas ss. =
Sig+num Reimun... = Sig+num Oliba. = Sig+num Iothberto. = Sig+num
Mirone. = Raimundus gra. Dei Viscecomes ss. = Sig+num
Iothberto filium Wilelmi.