XVII. De libertate testamenta condendi civibus Urgellensibus concessa, anno MCLXV.

XVII. 

De libertate testamenta condendi civibus Urgellensibus concessa, anno MCLXV. (Vid. pág. 57). 

Ex arch. curiae saecul. Urgellen. 

Anno Dominicae Incarnationis M.C.LX.V. Ego Bernardus Rogerii gratia Dei Urgellensis Episcopus, rogatu Ermengaudi fratris mei Urgellensis Comitis, necnon et omnium canonicorum Sedis consilio, atque omnium hominum Villae Sedis acclamatione, et diutissima efflagitatione, seu Villae huius adiectione, utilitate et sublimatione, dono hominibus Sedis et foeminis, atque concedo qui modo sunt, et in antea erunt, quatenus liberam habeant potestatem per omnia tempora de omni honore suo quem habent vel tenent, aut habuerint seu tenuerint, facere voluntatem suam cum infante et sine infante, in vita et in morte et post mortem, excepto clerico et milite, salvo mei meorumque successorum censu. De mobili vero liberam et plenam habeant potestatem voluntatem suam in perpetuum faciendi, et numquam in hac Villa laicus homo vel foemina de ista hora in antea sterilis vocetur quod vulgo dicitur Exorch, ut hac occasione maligno seculari more aliquid de suo ammittat. Et si quis intestatus in hac Villa, quod absit, obierit, solutis suis debitis, sepulturaeque traditis necessariis, in voluntate mei meorumque successorum, defuncti residua remaneant. Sed hoc tantum intelligatur de parte mobilium rerum intestati. Filii vero eius totum habeant honorem censum facientes Domino suo. Et si filii non fuerint ei, praedictus honor revertatur ad proximos. Si vero proximi defuerint, in voluntate mei, meorumque successorum sit. Si quis hoc evertere temptaverit non valeat, sed in dupplo componat, et haec scriptura omni tempore firma permaneat. Actum est hoc VII kalendas Julii. = Sig+num Bernardi Rogerii Episcopi qui hoc scriptum scribere jussi, firmavi firmarique rogavi. = Sig+num Guillermi Prioris. = Sig+num R. de Authes Archidiaconi. = Sig+num Magistri Alexandri. = Sig+num Petri de Enveg. = Sig+num Berengarii de Apilia (Abella). = Sig+num Magistri Johannis. = Sig+num Guillermi Operarii. = Sig+num Poncii Sancti Michael. = Sig+num Raimundi Girberti. = Sig+num Boneth (Boneti en el texto anterior). = Sig+num Guillermi de Petramola. = Sig+num Bernardi de Castelio Capellani. = Willelmus Bovarius jussu B. Capellani hanc cartam scripsit die et anno + quo supra, et VIIII literas supra scripsit.

XVI. Statutum de numero Canonicorum ecclesiae Urgellensis, anno MCLXIII.

XVI. 

Statutum de numero Canonicorum ecclesiae Urgellensis, anno MCLXIII. (Vid. pág. 56). 

Ex arch. episc. Urgell. 

Anno Dominicae Incarnacionis M.C.LXIII... CC. prima, Indictione XI temporibus venerabilis B. Roggeri Urgellensis episcopi convenientes in capitulo tam ipse Reverendus Pontifex quam eciam universi eiusdem Sedis Canonici, ut utilitatibus Urgellensis ecclesiae Deo inspirante sollicite providerent, post multa de quibus se tunc occasio pruebuerat hinc et inde collata, ad evitandam bonorum canonicae diminucionem, quae tunc temporis imminere videbatur, et reformandum nobilissimum eiusdem ecclesia statum a Sanctis Patribus institutum, de mandato et voluntate praedicti Episcopi, indemnitatem et fidelitatem canonicae eiusdem Sedis, tactis sacrosanctis Evangeliis unanimiter juravere, ac propriis subscripcionibus sicut in Sacramentali continetur, comuniter firmavere, idemque faciendum posteris transmisere: statuentes et in virtute prestiti jurisjurandi invicem promitentes, ac perpetuo firmum et immutabile fore censentes, ut nullus unquam eorum qui in eadem ecclesia canonicati fuerint antea prebendam accipere presumat, nec aliquis Prepositorum canonicalem cibum e¡ tradere audeat, donec de indemnitate et fidelitate canonice sacramentum publice prebeat. Si vero contra hoc facere presumserint, prebendarius suscepti beneficii indignus judicetur, et Prepositus ecclesiastico honore privetur. Sanctorum eciam precedencium Patrum vestigiis inherentes, eorumque saluberrima statuta sequentes, constituere, et eodem jurejurando concorditer firmavere, ut in eadem Urgellensi Ecclesia perpetuo certus numerus Canonicorum abeatur; videlicet, quadraginta quinque, exceptis vicinarum Sedium et Monasteriorum Canonicis; nec unquam usque in finem mundi aliqua racione prefixum excederet numerum, neque aliquis a die illo in eadem ecclesia possit canonicari, donec presentes ad prefatum numerum sint redacti. Si forte, quod absit, aliquo tempore contra hoc presumtum fuerit, in irritum deducatur, et omnes eiusdem Ecclesiae Clerici qui hoc fecerint a minimo usque ad maximum perjurii notam incurrant, et perpetim infames eficiantur. Statuerunt insuper, et sub eiusdem sacramentii virtute alterutro condixere, ut siquis aliquo tempore Domnum Episcopum vel Canonicos de adipiscendo canonicali cibo interrogaverit, nullatenus quid inde facturit sint, ei respondeant, vel assensum aliquem perficiendi ei prebeant nisi in festivitate Pascali. Quod si fecerint rei perjurii arguantur. Si vero aliquis Canonicorum vel Prepossitorum contra tenoren (tenorem) prestiti jurisjurandi aliquid commissise suspectus abitus fuerit, requisitus a fratribus in capitulo secundum quod justicia dictaverit canonicae satisfaciat. Quod si facere contemserit beneficio ecclesiastico privetur. = Sig+num Bernardi Rogerii Urgellensis Episcopi. Sig+num Guillermi Sacristae. = Sig+num Berengarii Archidiachoni. = Sig+num A. Archidiaconi. = Sig+num R. Archidiaconi. = Sig+num P. Archidiaconi. = Sig+num R. Archidiaconi. = Sig+num G. Prioris. = Sig+num Willelmi Cantoris. = Sig+num G. Magistri Scolarum. = Sig+num Alexandri. = Sig+num G. de Taus. = Sig+num A. de Sancto Stephano. = Sig+num P. Girberti. = Sig+num R. Operarii. = Sig+num Mir de Osass. = Sig+num Magistri Johannis. = Sig+num P. de Bredes. = Sig+num P. de Comba. = Sig+num G. de Caboriu. = Sig+num R. Guillermi. = Sig+num B. de Faia. = Sig+num P. de Nocholo, = Sig+num P. de Sancto Michaele. = Sig+num P. de Vilanova. = Sig+num A. Capellani. = Sig+num R. Girberti. = Sig+num B. Castelioni. = Sig+num G. de Alb. = Sig+num R. de Portela. = Sig+num R. Dage. Sig+num P. Danauga. = Sig+num Johannis. = Sig+num Montanarii. = Sig+num B. de Abela. = Sig+num P. de Enveg. = Sig+num R. de Gurb.= Sig+num W. Succentoris. = Sig+num Boneti. = Sig+num B. de Ril. = Sig+num H. de Sancta Fed. 

XV. Carta Ermengaudi Comitis Urgell. qua bona Episcoporum decedentium eidem Ecclesiae sarta tecta manere praecipit, anno MCLXIII

XV. 

Carta Ermengaudi Comitis Urgell. qua bona Episcoporum decedentium eidem Ecclesiae sarta tecta manere praecipit, anno MCLXIII (Vid. pág. 53). 

Ex Libro I. Dotal. Ecclesiae Urgell. fol. 7. b. 

In nomine Omnipotentis Patris, et Incarnati Verbi filii eius, et ab utroque procedentis Spiritus Sancti. Pateat cunctis praesentibus atque futuris, qualiter ego Ermengaudus, Dei dispositione, Comes Urgelli, pro remedio animae meae, omniumque parentum meorum, dimitto atque evacuo, et sine aliquo penitus retentu persolvo Domino Deo, et almae Genitrici eius Mariae Sedis Urgelli orribilem illam, et male consuetam rapinam, quam post decessum Episcoporum Sedis Urgelli injuste excercere consueverunt praedecessores mei in omni honore epischopali. Tali scilicet modo, quod ego, nec aliquis Comes post me, non habeamus licentiam, nec potestatem ex ac ora in antea diripiendi, sive invadendi bona Urgellensium Episcoporum, mobilia, sive imobilia, quandocumque vel ubicumque praedictae Sedis Pontifices moriantur. Sed post obitus eorum, salva et libera atque quieta remaneant omnia sua praefatae Ecclesiae almae Genitricis Dei Mariae Sedis Urgelli sine aliqua inquietatione Urgellensium Comitum vel hominum suorum. Verumptamen quia post decessus Episcoporum, episcopalia castra sive Villa praedictae Sedis pro securitate et defensione honoris Beatae Mariae usque ad diem futurae electionis in manu Urgellensium Comitum permanere consueverunt, nichil ibi Comes Urgellensis vel homines sui accipiant, nisi ea tantum quae ad custodienda praedicta castra bona fide sine malo ingenio secundum providentiam Canonicorum praedictae Sedis sufficienti modo necessaria fuerint. Praedicta autem castra, quae in manu Comitis post obitus Episcoporum custodienda permanere solent, sunt haec: scilicet, Castrum Sanaugiae, et Castrum de Gissona, et Castrum de Torrefracta, et Villa Sedis, et Castrum de Montferrer. Ex ipsa vero die qua praefata Castra in manu Comitis esse incipient, de reditibus et censibus et expletis, quae de ipsis Castris exierint, praenominata Castra custodiantur. Dono etiam ad opera Beatae Mariae C. morabetinos per unumquemque annum de ipsa mea paria de Ispania, quamdiu ipsa paria perduraverit. Si interim de ipsis Clericis praedictae Sedis quisquam forte obierit, res ipsius defuncti securae semper permaneant sine direptione, vel diminutione quam ei Comes vel homines sui aliquo modo facere non praesumant. Insuper etiam ob remissionem peccatorum meorum, meorumque parentum omnia quae juris Beatae Mariae esse noscuntur, eidem matri meae Urgellensi ecclesiae in perpetuum habenda concedo, laudo atque confirmo. Siquis contra etc. Acta carta II. Idus januarii anno Dominicae Incarnationis M.C.LXII. = Sig+num Ermengaudi Comitis Urgellensis. = S¡g+num Dulciae Comitissae qui hoc scribere jussimus, firmavimus, firmarique rogavimus. S¡g+num A. Comitis Pallariensis. = S¡g+num R. filii eius. = S¡g+num R. Fulconis Vicecomitis. = S¡g+num W. R. Senescalt. = S¡g+num Gomballi de Ribeles = S¡g+num Gaucerandi de Sales. = S¡g+num Berengarii A. de Anglerola. = S¡g+num W. de Espunola. = S¡g+num R. de Belveder. = S¡g+num Bertrandi de Valfraosa. = S¡g+num B. Lavanca = S¡g+num A. de Pontibus. = S¡g+num P. Capellani Comitis. = S¡g+num A. Capodecii = B. Subdiachonus scriptor extitit et hoc + impressit in praefato die et anno.