XXI. Acta electionis Aimerici Abbatis monasteri S. Mariae Amerensis: anno DCCCCXLIX.

XXI.

Acta
electionis Aimerici Abbatis monasteri (pone monasterti) S. Mariae
Amerensis: anno DCCCCXLIX. (Vid. pág. 224).

Ex
autogr. in arch. eiusd. monast.

Cum
Deus omnipotens... veniens visceribus dignatus est ingraedi
virgineis, post nativitatem suam passion... lem resurrectionem et
triumphalem ascensionem et epost inflamat... itis constituit qui suam
ecclesiam praefulgerent, sicut vatizinavit... dextris in vestitu deaurato
circundata varietate et decore suo. Deinde per ipsos Apostolos...
constitutum est ut unaquaeque urbs suum proprium habeat pastorem, et
unumquod... gubernatorem, sicut exaratum est in tradictionibus
Sanctorum Basilii Episcopi et Isid... egregius doctilocus dictante
Angelo sancto scripsit regulam quomodo pervenire possent monachi...
Unde contigit ut una ex eisdem lucernis nomine Alexander de mo...
Mariae in comitatu Gerundense super fluvium que dicitur Ameira
migrar... universa congregatio eius mortem valde condolentes cum
merore lacrimabiliter provo... ari Episcopi, et Borrelli Comitis
expetivimus eis ut pro amore Dei talem dedissent no... ut universum
gregem nostrum bene gubernando regeret, et regendo gubernaret...
Borrellus Comes rogavit Gohtmarum Episcopum cum Archidiaconibus suis
et cetero clero, et Gauzfredum
Comitem... natu terrae illius, et Odgarium Abbatem, et Arnulfum
Abbatem, et ceteris bonis... ut adquievissent praecibus monachorum ut
talem elegissent pastorem... regulariter perfecisset. Tunc Episcopus
et Comites et alii supra nominati consilium dederunt ut ipsi monachi
inter se elegissent Abbatem sicut mos est. Nos vero monachi haec
audientes annuentesque divina clementia invenimus unum ex nobis virum
fretum (sic) nomine Aimericum regular... in nostro monasterio
traditum, et per manus Gohtmari (Gothmari) Episcopi ad grados
suos sublimatum, bonis moribus ornatum, humilem, castum, pudicum,
sobrium, mansuetum, misericordem, et bene intructum (sic)
(instructum) vetus et novum testamentum. Hunc adclamamus, eligimus,
volumus, et super nos Abbatem fieri petimus; et ut voluntas propria
clarescat nostra, propriis dactilis (sic) roboramus, et ut hec
adclamatio vel electio inconvulsa permaneat, tradimus, et donamus ego
Borrellus Comes, et Gohtmarus (Gothmarus) Episcopus, et
Gauzfre Comes tibi Eimerico Abbati monasterium quod est situm supra
fluvium Ame... (Amer, Ameira, Ameria) in honore Sanctae Mariae, cum
ecclesiis, et cellis, et cum omnibus villis, et universis rebus ad se
pertinentibus, sicut continet auctoritas Patrum et regalis potestas:
et ut plenam habeat potestem (potestatem) manu propria roboramus.
Facta adclamationem vel electionem V idus novembras anno
Incarnationis dominicae DCCCCXL nono, inditione VII. XIIII. anno
regnante Ludoyco Rege.

+
Gondemarus sancte Ecclesiae Ierundensis humilis Episcopus. ss. =
Sig+num Borrellus Comes. = Teudesindus Archipbr. et Abba ss. =
Magnarius pbr. et monacus ss. = Teuderedus pbr. monacus ss. = Eroius
Archipbr. ss. = Fillipus diaconus et monacus ss. = Ebriarius pbr. ss.
= Jordanus pbr. et monacus ss. = Cristofore levita et canonicus ss. =
Bellus monnacus ss. = Ato Archilevita ss. = Ermenricus pbr.
ss. = Miro pbr. ss. = Viecius pbr. vel monacus ss. =
Liwla pbr. ss. = + Miro Comes. +. = Adalbertus pbr. ss. = +
Volveradus +. = Suniarius. ss. = Deilane levita ss. = Abo levita ss.
= Tassius levita ss. = Senderedus levita ss. = Bellus pbr. ss. =
Tramaricus levita ss. = Ataulfus pbr. qui haec electione vel
adclamatione scripsi et ss. die et anno praefixo.

XX. Acta consecrationis Ecclesie S. Marie de Amer anno DCCCCXLIX

XX.

Acta
consecrationis Ecclesie S. Marie de Amer anno DCCCCXLIX (Vid. pág.
219.)

Ex
autogr. in arch. eiusd. monast.

Anno
Incarnationis dominice DCCCCXLVIIII. indicione sexta, veniens
Borrellus Commes in civitate Ierunda deprecans proprium episcopum
Godmarum nomine ecclesie Sancte Ierundensis ut veniret ad
consecrandas ecclesias in commitatu Ierundensi super fluvium que
dicitur Amera in honore Sancte Marie, et Sancti Johannis, et Sancti
Benedicti nuperrime edite minus consecrate. Quo audito Godmarus
episcopus cum consilio Archidiaconorum ceterorumque canonichorum
Sancte Marie adquiescens eius precibus, venit pro amore Dei, et
interpellatione Commitis, et consecravit has ecclesias supra
nominatas in honore Sancte Marie et Sancti Johannis et Sancti
Benedicti cenobii, et firmavit atque constituit, donavit atque
concessit ad eundem cenobium decimas, et primicias, et oblaciones
fidelium de villa que dicitur Loreddo cum finibus et terminis
suis, et de villa que dicitur Rivo secco cum finibus et
terminis suis, et de villa que dicitur Albeccario cum finibus
et terminis suis, et de villa que dicitur Gallizano cum
finibus et terminis suis, et de valle que dicitur Amera cum finibus
et terminis suis, sicut in regalibus preceptis est constitutum, ut ab
hac ora in antea maneat stabilitas inconcussa. Ideoque ego Borrellus
Commes in die dedicationis harum ecclesiarum dono ibidem pro amore
Dei et remedium anime mee alodem quem abeo in commitatu Ierundensi in
valle que dicitur Angles, sive in ipso Lauro, quantum
ibidem abeo, vel pro quacumque voce succedere debeo.

Acta
sunt hec V. idus novembris anno XIIII. regnante Ludoico Rege filio
Caroli. = + Gotmarus sancte Sedis Gerundensis humilis Episcopus ss. =
Eroigius Archiptr. ss. = Teudesindus Archiptr. et Abba (scilicet S.
Felicis Gerunde) ss. = Ato Archilevita ss. = Audesindus pbr. ss. =
Sig+num Borrellus Commes. = Liwla pbr. qui hanc dotem scripsit et ss.
sub die et anno quod supra.

XIX. Caroli Calvi praeceptum pro monasterio SS. Emeterii et Genesii. DCCCCXLIV, 944

XIX.

Caroli
Calvi praeceptum pro monasterio SS. Emeterii et Genesii, quod nunc S.
Mariae de Amer est: anno DCCCXLIV. (Vid. pág. 218.)

Ex
autogr. in arch. monast. Ameren.

In
nomine sancte et individue Trinitatis. Karolus gratia Dei Rex.
Si
erga loca divinis cultibus mancipata propter amorem Dei eorumque in
eisdem locis sibi famulantibus beneficia oportuna largimur, premium
apud Dominum eterne remunerationis rependi non diffidimus. Idcirco
notum sit omnibus sancte Dei Ecclesie fidelibus et nostris,
presentibus atque futuris, quia quidam religiosus vir Wilera Abba
monasterii quod est situm in pago Gerondense constructum,
scilicet sub honore Sancti Hemeterii Sanctique Genesii ad nostram
accedens serenitatem obtulit praecellentie nostre quandam domni et
genitoris nostri gloriose memorie augusti Hludovici
auctoritatem predecessori siquidem suo venerabili Abbati Deodato
factam in qua continebatur, qualiter item dominus et genitor noster
per intercessionem quendam Gauzelmi Marchionis cum et monachos suos
predictumque monasterium cum omnibus rebus sibi pertinentibus sub sue
immunitatis tuitione defensionisque munimine clementer susceperit.
Petiit itaque reverentiam nostram idem Wilera Abba ut eandem domni et
genitoris nostri renovantes preceptionem, cum monachosque suos una
cum prescripto monasterio, et cellis sibi pertinentibus aliisque
omnibus rebus similiter sub nostre immunitatis defensione recipere
plenissime dignaremur. Cuius inquam petitionibus libenter
adquievimus, et ita illi concesisse omnibus, omnibus notum esse
volumus. Quapropter eundem Abbatem cum monachis suis, idem
monasterium cum omnibus rebus sibi pertinentibus, ac cellis sibi
subiectis, quarum altera dicitur domus sancte Marie sita secus
fluvium Amera, altera vero scilicet sita super fluvium Sterriam,
necnon etiam cellulas duas in pago Imporitanense sitas, ex
quibus una apellatur Columbarius, sita super fluvium Taceram,
altera quippe dicitur Carcer sita iuxta maris magni littora cum omni
earum omnium rerum integritate sub nostro muneburdo, sicut dictum
est, atque defensione integerrime contra omnium inquietudines hominum
constituentes, precipimus atque iubemus ut nullus iudex publicus vel
quislibet ex iudiciaria potestate in ecclesias aut loca, vel agros,
seu reliquas possessiones sepe dicti monasterii, et cellularum sibi
subiectarum ad causas iudiciario more audiendas, vel freda exigenda,
vel paratas faciendas, aut ullas redibitiones, aut fideiussores
tollendos, vel illorum homines distringendos, aut illicitas... tiones
requirendis ingredi audeant, nec eaque supra memorata sunt exigere
presumat, sed cum cellis supra memoratis et vilaribus aliisque
omnibus rebus prenominato monasterio pertinentibus in quibuscumque
consistant locis, sive pagis, necnon etiam cum omnibus possesionibus,
quas iuste rationabiliterque presenti tempore possidere dignoscitur,
simul cum hiis quas divina pietas eidem sacratissimo loco per suos
quosque fideles augere voluerit. Liceat memorato Abbati, suisque
successoribus et monachis in sepe dicto loco degentibus quiete vivere
et possidere, easdemque res cum omni securitate sine cuiuspiam
contradictione et minoratione tenere et possidere, eorumque pro
utilitatibus rationabiliter concambiare, et pro nobis, coniuge,
proleque nostra, seu stabilitate totius regni nostri una cum monachis
inibi Domino militantibus divinam misericordiam iugiter exorare. Et
quandocumque divina vocatione memoratus Abba, aut successores sui ab
hac luce migraverint, quamdiu inter se tales invenire potuerint, qui
eos secundum regulam S. Benedicti regere et gubernare valeant,
licentiam habeant ex semetipsis Abbates eligere, qui eis ut
prediximus, merito vite et sanctitatis preesse et prodesse possint.
Et ut hec nostra confirmationis auctoritas perpetuam obtineat
firmitatem, manu propria firmavimus, et anuli nri. impresione
assignari iussimus. = Sig+num Karoli gloriosissimi Regis. = Sig+num
Archarius presbiter ad vicem Hludovici recognovit. Data II. idus. mai
anno IV. Indictione VII. regnante domino nostro Karolo gloriosissimo
Rege. Actum Thola (f. Tholosa) civitate in Dei nomine feliciter.
Amen.