XXII. Donatio Comitum de Cardona monasterio Vallis Laureae de una somata salis qualibet hebdomada percipienda, anno MCLI.

XXII.

Donatio Comitum de Cardona monasterio Vallis Laureae de una somata salis qualibet hebdomada percipienda, anno MCLI. (Vid. pág. 134.)

Ex arch. mon. SS. Crucum. 

Tam praesentibus quam etiam futuris sit manifestum qualiter ego Raymundus de Cardona et Willelmus, frater meus et Domina Willelma Comitissa, et Raymundus Fulchonis, ejus filius: nos simul in unum propter remedium animae nostrae et parentum nostrorum damus Domino Deo et ecclesiae Sanctae Mariae Vallis Laureae quae hedificatur juxta Sanctum Martinum de Cerdanola et fratribus ibi habitantibus secundum ordinem Cistels (: Cistell : Císter) somatam (a: Mensura. (V. Ducange)) unam salis (N. E. somata, somada, p. ej de sal, se encuentra en multitud de documentos antiguos) per unamquamque hebdomadam semper dum ipsum sal Cardone currit. Et si evenerit quod in una hebdomada ipsam somatam salis non acceperint, accipiant in alia: ita quod in singulis hebdomadis singulas accipiant somatas omni tempore, quando, ut dictum est, ipsum sal currit. Quod decretum nostrae donationis quicumque disrumpere, vel in aliquo dimovere temptaverit, iram Dei incurrat, et haec scriptura donationis nostrae firma et inconvulsa perhenniter maneat. Actum est hoc V kalendas junii anno ab Incarnatione Xpti. M.C.LI. = Sig+num Raymundi de Cardona. = Sig+num Guillelmi fratris ejus. = Sig+num Guillelmae Comitissae. = Sig+num Raymundi Fulchonis, filii ejus. = Sig+num Raymundi de Mediano. = Sig+num Petri de Falx. = Petrus Vicensis Epus. = Sig+num G. = Sig+num Alemani Rodlandi. = Sig+num Petri levitae. = Sig+num Guillelmi Girballus. = Sig+num Guillelmi de Cardona. = Sig+num Raymundi qui hoc scripsit cum litteris supra positis in linea III. die et anno quo supra.